Sedna (planedyn)
Oddi ar Wicipedia
Hwn yw'r corff pellaf y gwyddys amdano sy'n cylchio'r Haul. Ar hyn o bryd y mae dros 90 Unedau Seryddol i ffwrdd, tairgwaith pellter Plwton oddi wrth yr Haul. Mae gan Sedna dryfesur o 1800 o gilometrau, ychydig yn llai na Phlwton.
Diddorol yw cylchdro Sedna. Er nas gwybyddir yn fanwl mae'n amlwg fod cylchdro Sedna yn un hirgrwn dros ben a chanddo berihelion o ryw 75 Unedau Seryddol ac yn cymryd rhyw 10,500 o flynyddoedd i gylchio'r Haul. Mae hynny'n ei rhoi tu hwnt i Wregys Kuiper ond o flaen ochr fewnol Cwmwl Oort. Mae cyfansoddiad ffisegol Sedna'n ddirgelwch. Fel arfer dylai'r rhan fwyaf o'i chyfansoddiad fod o iâ, ond fe ymddengys nad felly y mae. Bron yr unig beth y gellir dweud amdani ar hyn o bryd yw ei bod yn goch iawn ac ymddengys fod iâ dŵr a methan yn absennol ar ei harwyneb. Nid yw Sedna y "Blaned X" a ragddyfalai llawer o seryddwyr cyn darganfyddiad Plwton. Roedd Planed X i fod yn gorff mwy ei faint.
Mae Sedna wedi ei henwi ar ôl duwies môr yr Inuit.
