Азот

З Вікіпедыя.

Азот (ад грэч.: ázōos — "безжыццёвы", лац.: Nitrogenium ад грэч.: nitron — "натуральная сода, салетра") N — хімічны элемент V групы перыядычнай сістэмы; атамны нумар 7, атамная маса 14,0067. Свабодны азот — газ без колеру і паху.

Азот — асноўная складаная частка атмасферы Зямлі.

[правіць] Прыродныя крыніцы

Прамысловае значэнне з прыродных крыніц маюць толькі атмасферны азот і радовішчы двух яго мінералаў — чылійская (NaNO₃) і індыйская (KNO₃) салетры.

[правіць] Прымяненне

Звыш 3/4 прамысловага азоту выкарыстоўваецца для сінтэзу аміяку, які служыць зыходным рэчывам у вытворчасці азотнай кіслаты, угнаенняў, фарбаў, лекавых прэпаратаў, выбуховых рэчываў.

Свабодны газападобны азот прымяняецца і як інертнае асяроддзе пры атрыманні сінтэтычных валокнаў, чыстых металаў і сплаваў.

Вадкі азот патрэбны для стварэння нізкіх тэмператур у крыягеннай тэхніцы.