Tastatur
Us der alemannische Wikipedia, der freie Dialäkt-Enzyklopedy
E Tastatur isch en wichtige Bestandteil vomene Computer. Hauptsächlich wird e Tastatur brucht zum Zeiche und Text iigeh. Es het aber au 12 Funktionstaste (F1-F12), denn gits no veschiedeni Befehl zu de Cursor stüüre (Pfiiltaschte, Home, End, Page Down, Page Up) und en Zahleblock zum schnell irgendwelchi Zahle iizgeh.
Di hütige Computer-Tastature sind us den alte Schribmaschine entstande. D Buechstabe sind glich agordnet. Das het de Vorteil gha, dass Lüüt, wo dozmol scho's 10-Finger-System hend chöne, nöd hend müse umlerne für d PC-Tastatur.
In englisch-sprochige Gebiet sind QWERTY-Tastature üblich, d. h. dass uf de Tastatur d Buechstabe Y und Z ihri Plätz tuschd händ.
