Sokrates

Us der alemannische Wikipedia, der freie Dialäkt-Enzyklopedy

Sokrates

Der Sokrates (altgriechisch: Σωκράτης Sōkrátēs * 469 v. Chr.; † 399 v. Chr., zum Tod verurteilt worde mit Gift) isch e äxtrem wichtige Filosof für Europa gsi, wo in Athen gwont u gschaffet het.

Me seit, är sig in Athen umespaziert und het mit Lüt uf der Strass diskutiert. D'Theme woner drüber gredt het si filosofisch gsi, das heisst übers Läbe vo de Mönsche, übere Sinn vom Läbe, und wie me am beschte derzue bitreit, dass es allne besser got. Är heb Froge gschtellt, wo sech no nie öpper vor ihm gschtellt heb. Das isch einige unheimlech gsi, und drum het der Sokrates Feinde gha; am Ändi isch er aaklagt worde für dasser jungi Lüt uf der Schtrass mit sine Diskussione "beläschtigt". Är isch zum Tod verurteilt worde, hätt aber ohni Problem chöne Athen verlo; wil är das ned gmacht het und anstatt eifach furtzgoh der berüemti Giftbächer trunke het, seit me, är het sech für d Filosofi gopferet. Das alles isch guet beschribe im Wärch vom Platon "d'Apologie (Verteidigungsred) vom Sokrates".

Der Sokrates het nur mündlech filosofiert: är het keni Tegschte hinterlaa; sini Wort si houptsächlech überliferet worde vom Platon, wo sin Schüeler gsi isch. Dass är so berüemt isch, zeigt au, dass me alli griechische Filosofe, wo vor ihm gläbt hei, Vorsokratiker nennt.

[ändere] Weblinks

Commons: Sokrates – Witeri Mulitimediadateie zum Artikel

Wikiquote: Sokrates – Zitate

Literatuur vo und über Sokrates im Kataloog vor DNB

• Ytrag (inkl. Literaturongabe) im Biographisch-Bibliographische Kirchelexikon (BBKL)
• Artiku vom J. Malitz: Sokrates im Athen wo der Chrieg scho fertig gsi isch (404–399 v.Chr.)
• D'Dialoog vum Platon
• Xenophon: Gspröch mitem Sokrates

   

Dr Artikel „Sokrates“ isch leider no ziimle kurz! Wenn du aber meh zu dem Thema weisch, schrib's eifach dezue und mach us dem Schtumpe en ebbas umfangriichere Artikel.