Columbidae
Uut Wikipedia
| Columbidae | ||||||||
|---|---|---|---|---|---|---|---|---|
 Paerelalstortel |
||||||||
| Taxonomische indêelieng | ||||||||
|
||||||||
| Femielje | ||||||||
| Columbidae (Latham, 1790) |
||||||||
Duven en tortels (Columbidae) zien middelhroôte veugels die an over bieni eêl de waereld voekomm'n, mè toch vurral in 't Oriëntaâls hebied en Australazië. De veugels èn een volle bost en een kleine kop. Een kenmerk van duven is da'n ze zonder moeite waeter mie der snaevel op kunn'n drienken. Jonge duven kriehen drienken uut de kroppe, duvenmelk. Duvenmelk is een eiwitrieke, kaesachtihe substansie. Der zien onheveêr 300 soôrten duven.
Duven eetn vurral zaeden, fruit en plantaârdihe diengen. Duven lèn twi witte eiers in een slordig nest van twiegjes, die an deur beie ouwers worn uutebroeid.
[bewerk] 't Ouen van duven
Tamme duven worn vee ehouwen deur mensen. Zelfs in 't ouwe Ehypte wiern der a tamme duven ehouwen. In deze tied wiern ze vurral ehouwen voe 't vleês, 't a hol as een delicatesse. Ok is de duuve bekend as boodschapper bie kokertjes rond der nikke in onder are de Tachtigjaerihe Oôrlog. As lessen wor in deze tied de duuve vee ehouwen voe duvenwedstrijen, wibie a de duuve in zò kort meuhlijke tied wee ni ruus mò vliehen.
[bewerk] Duven in Nederland
In Nederland komm'n een paer duvensoôrten voe, wivan sommihe soôrten die an oôrspronkelijk van varre wig kwamm'n mè der eihen hoed anepast ène. De stadsduuve is in feite een afstammelieng van de rotsduuve. De volhende soôrten komm'n dus voe in Nederland:
- Stadsduuve (Columba livia domestica)
- Oôlnduuve (Columba oenas)
- Houtduuve (Columba palumbus)
- Turkse tortel (Streptopelia decaocto)
- Zeumertortel (Streptopelia turtur)
