Wikipedia:问题
来自 吴语维基百科
- 为啥体弗可以用普通闲话个音来选择吴语个通假字?
- 因为使用通假个前提是没合适个吴语汉字来记录某个吴语词义。老多情况下头吴语实际浪有得汉字表示个,只必过同样个字勒许北语搭吴语里向读音弗一样,大部分人朆受过吴语读写训练,看到汉字只会用北语来读。实际浪,汉字并弗是北语专用个书写工具,汉字是东亚好几种弗同语言个载体,同一个字勒弗同个语言里有弗同读法。正因为吴语有自家个汉字体系来记录,而且北语帮吴语勒发音体统上互相弗兼容,如果弗用吴音来通假而使用普通话音,会弄得文字记录表音弗准,音义完全脱节,造成邪气大个混乱,弗利于吴语个阅读。