江苏
来自 吴语维基百科
江苏省，中国个一个省份，简称苏，勒世界第三大河长江搭淮河下游，黄海边浪。省会是六朝古都南京。
| 江苏省 | |
| 简称：苏 | |
| 省会 | 南京 |
| 面积 - 总面积 - 占全国面积％ - % 水域面积 |
第24位 102,600 平方千米 1.07% xx% |
| 人口 - 总人口 (2003年底) - 占全国人口％ - 人口密度 |
第5位 7405.8万 5.7% 721／平方千米 |
| 国内生产总值 - 总值 (2005年) - 占全国生产总值％ - 人均国内生产总值 |
第3位 18272.12亿人民币 10.67% 24843.13人民币 |
| 行政区类别 | 省 |
 |
|
内容 |
[编辑] 历史
江苏得名于1666年，取两个府个首字：“江宁”个“江”，“苏州”个“苏”。
[编辑] 春秋战国
勒上古时代，江苏援开华夏文明中心————河南西北部蛮远个，其北部是古代民族淮夷个地盘，南部是古代民族越族个一个聚居地。从周朝开始，接触增多，江苏南部兴起个吴国 (国都姑苏，今苏州)，是周朝个几百个诸侯国之一。春秋末期，吴国勒国王阖闾辰光变成强国，勒前484年打败北方强国齐国（现在勒山东），称霸中原。前473年，吴国拨勒现在浙江东部个越国灭脱，前333年，越国又拨西面个强国楚国灭脱，最终秦国勒前221年消灭所有个对手，形成基本统一个中国。
[编辑] 汉晋南北朝
勒中国头一个黄金时代汉朝 (前206年 – 220年)， 江苏还是一个远离华北平原文明中心个荒蛮之地。当时江苏属于2个州: 北部徐州搭南部扬州。三国辰光，江苏南部是吴国 (222年－280年)个大本营。317年，西晋拨北方游牧民族攻破，贵族逃到江南，勒建康(今南京)先后建立东晋搭之后个4个朝代 (南朝，420年－589年)。江苏北部变成双方交火个中间地带，有个辰光属于南方，有个辰光属于北方。
[编辑] 隋唐
589年隋朝灭脱陈，重新统一南北，完成贯通南北个京杭大运河。
唐朝(618年-907年) 是中国第二个黄金时代。后期扬州成为中国顶顶有名个商业城市，俗称“盐埠头”。今江苏南部属于江南东道，江北淮河以南属于淮南道。但是该歇个江苏地区勒搿个辰光，还弗像中原一带能重要。
[编辑] 宋朝
宋朝(960年-1279年) ，赅钞票个商人阶层搭新兴个市场经济得到发展，苏州搭扬州等主要城市成为新兴商业中心，成为“富裕”搭“奢侈”个代名词。
今江苏苏锡常镇地区属两浙西路。南京地区属江南东路、江北淮河以南部分属于淮南东路。
[编辑] 元朝
13世纪，蒙古人控制中国。今朝江苏个长江以南部分属于江浙行省，江苏江北地区属于河南江北行省。
[编辑] 明朝
1368年，洪武皇帝（朱元璋）建立明朝，拿占据中原个蒙古人赶脱，定都南京。朱元璋以南京搭俚老家凤阳为中心，拿周边城市拼成所谓“直隶”，像拿浙西个苏州府、松江府、常州府、镇江府并到直隶里向。永乐皇帝迁都北京后改南直隶；勒后来今朝个江苏省境内一龙总设7个府，里向勒江南个有5个：应天府（南京）、苏州府、松江府、常州府搭镇江府；勒到江北个只有2个：扬州府搭淮安府。
1421年，永乐皇帝（朱棣）迁都北京。之后，南北两京搭两直隶並立200多年，江苏，特别是南部苏州地区，主要因为纺织工业繁荣，继续成为全国个经济中心，並且工业化搭城市化程度最高，大大小小市镇星罗棋布，地价高、赋税重，名列全国之首。同时搿一带个文化水准也是全国顶高个，状元人数勒全国科举考试中长期占相对比较高个比重（清代数字是全省占40％，苏州府占20％），对全国文化性格搭审美情趣产生深远影响。扬州搭淮安2座城市因为是京杭大运河上漕运（南方粮食运到京城）搭食盐贸易个控制点，名列中国长江以北少数几个顶繁荣个城市当中。
洪武皇帝拿长江南北差异大来交关个地区放勒一个行政区里向。几个世纪以来，江南个富裕程度搭影响力大大超过江北，也为之后“江南江北，两个世界”打下伏笔。
[编辑] 清朝
1645年，清朝部队攻占扬州搭南京，俘虏南明弘光皇帝，乃末拿南直隶改成江南省。1666年，因为江南省规模忒大，分设江苏省搭安徽省，个也是现代江苏得名个开始。清军勒扬州、江阴搭嘉定等地拨激烈抵抗，制造扬州十日、江阴屠城了啥实梗个惨剧。
清代，江苏巡抚驻扎勒苏州，安徽巡抚驻扎勒安庆，勒南京设有节制江苏、安徽、江西三省个两江总督。江苏、安徽两省个乡试呐，一例共用同一个江南贡院（勒今南京夫子庙）。1780年之前，管理安徽民政个安徽布政使也长期寄驻勒南京，1780年安徽布政使迁到安庆之后，勒南京另设江宁布政使一职，管理江宁（南京）、扬州、淮安、徐州4府搭通、海2直隶州。江苏学政驻扎勒江阴。另外勒淮安府城驻扎有漕运总督，府城西北15公里处清江浦（今淮安市主城区）驻扎有南河总督（江南河道总督）。两淮盐运使驻扎勒扬州。
清代江苏省勒沿海地区增设3个直隶州：太仓、通州（南通）搭海州，並拿徐州由直隶州升成府。因为人口大量增加，江苏南部交关县侪一分为两，造成2个县共用1个县城个情况（民国之后消失），苏州城里向甚至同时有3个县个县衙：吴县、长洲县搭元和县。
1840年代，江苏开始受西方影响，江苏东南部原来一个弗知名个小地方上海拨开成通商口岸，並设立上海公共租界搭上海法租界，迅速发展成贸易、金融搭国际化个大都会，后来勒1927年正式脱离江苏成为独立个院辖市。镇江搭苏州也有过规模较小个租界。晚清时期，江苏南部还受到过太平天国运动个强烈影响达十几年，庚申之劫使得该个地区损失交关惨重。
[编辑] 中华民国
中华民国勒1912年成立，一起先几个月个首都是南京。1916年袁世凯过辈仔全国陷入军阀割据状态，江苏也换着几趟东家，北伐战争前夕是孙传芳。该个辰光，江苏南部个民族工商业迅速崛起，无锡、南通搭常州个纺织工业发展得蛮来事。
1927年4月，蒋介石勒南京建立中央政府，並勒10年里向统一着大半个中国，同时进行着蛮多现代化建设，包括修建早期个公路网了啥。1928年国民政府正式定都南京仔，进行大规模个首都建设，江苏省会迁到镇江（1929年）。
1937年抗日战争全面爆发，蒋介石个黄金时代中断。1937年12月13号，南京陷落，勒3个月里向，死脱300，000人，个就是日本人制造个臭名昭著个南京大屠杀。沪宁铁路沿线个苏州了无锡了常州了镇江了侪拨拉弗同程度个破坏。故歇之后一径到1945年战争结束，南京是中国东部沦陷区汪精卫傀儡政府个首都。
战争之后中央政府从重庆还都南京，朆过多少辰光就搭立足东北、华北个中国共产党爆发国共内战。其中1948年底徐州附近个淮海战役，共产党基本浪打败国民党个主力。1949年4月，共产党军队迅速渡过长江，攻占 南京，国民政府撤退到台湾，必过中华民国个宪法浪还是认为南京原是中华民国个正式首都。
[编辑] 中华人民共和国
中华人民共和国成立仔，首都迁到北京。建国初江苏省拨拉分成过苏北行署搭苏南行署，1953年咦合并成江苏省，省会来南京。
1980年代，江苏南部个乡镇企业就交关有名。尚况邓小平经济改革开始个热点地区集中勒南部海岸个广东省，朆有多少辰光就拿江苏超过。1990年代开始，以上海为中心个长江三角洲地区得到重视，江苏南部搭上海联系紧密个两个城市苏州搭无锡充满活力，国内生产总值侪超过省会南京，名列全国十强。
[编辑] 地理
[编辑] 行政区划
江苏省有13个地级市、31个县级市搭33个县
| 地级市 | 市辖区 | 县级市 | 县 |
| 南京(副省级) | 玄武 白下 秦淮 建邺 鼓楼 下关 浦口 栖霞 雨花台 江宁 六合 | / | 溧水 高淳 |
| 徐州 | 鼓楼 云龙 九里 贾汪 泉山 | 新沂 邳州 | 丰县 沛县 铜山 睢宁 |
| 连云港 | 连云 新浦 海洲 | / | 赣榆 灌云 东海 灌南 |
| 宿迁 | 宿城区 宿豫区 | / | 沭阳 泗阳 泗洪 |
| 淮安 | 清河 清浦 淮阴 楚州 | / | 金湖 盱眙 洪泽 涟水 |
| 盐城 | 亭湖 盐都 | 东台 大丰 | 射阳 阜宁 滨海 响水 建湖 |
| 扬州 | 广陵 维扬 邗江 | 仪征 江都 高邮 | 宝应 |
| 泰州 | 海陵 高港 | 靖江 泰兴 姜堰 兴化 | / |
| 南通 | 崇川 港闸 | 海门 启东 通州 如皋 | 如东 海安 |
| 镇江 | 京口 润州 丹徒 | 扬中 丹阳 句容 | / |
| 常州 | 钟楼 天宁 戚墅堰 新北 武进 | 金坛 溧阳 | / |
| 无锡 | 新区 锡山 惠山 滨湖 崇安 南长 北塘 | 江阴 宜兴 | / |
| 苏州 | 吴中、相城、平江、沧浪、金闾、苏州工业园区、苏州高新区、虎丘 | 吴江 昆山 太仓 常熟 张家港 | / |
[编辑] 交通
主条目：江苏交通
[编辑] 经济
根据2005年江苏省国民经济和社会发展统计公报公布江苏省2005年地区生产总值（GDP）为18272.12亿，居全国第三(仅次于广东搭山东)，比上年增长14.5%。全年进出口总额2279.41亿美元。
[编辑] 人口
2005年底，全省常住人口7474.5万人，全年人口出生率9.24‰，死亡率7.03‰，人口自然增长率2.21‰。
[编辑] 方言
[编辑] 江淮官话
扬州、淮安、盐城3市全部，南京、镇江、泰州3市大部，连云港市区及灌云、灌南2县，宿迁沭阳、泗阳、泗洪3县，南通市区及如皋市、海安县全部搭如东县大部、通州市小部。
[编辑] 吴语
苏州、无锡、常州3市全部，南通启东、海门2市全部，通州市大部，如东县小部，镇江丹阳市，南京高淳县，泰州靖江市，
[编辑] 中原官话
徐州市全部，宿迁市区，连云港赣榆、东海2县
[编辑] 文化
江苏自古以来是中国文化重心之地，並经历文化重心从唐汉以前个江淮地区到唐汉以后个江南地区转移。江苏勒文化上有“吴韵汉风”一说，江南地区属于吴文化圈，而徐州连云港淮北地区则属于中原文化搭北方语系（北语）地带，两者之间为吴韵汉风共同滋润个江淮地区。
全省共有2个世界遗产、5个国家重点风景名胜区、7座国家历史文化名城、5座省级历史文化名城、7座中国历史文化名镇、120个全国重点文物保护单位（含京杭大运河江苏段）、645处省级文物保护单位。
- 世界遗产：苏州古典园林、明清皇家陵寝—明孝陵
- 国家重点风景名胜区：太湖、南京钟山、云台山、蜀岗瘦西湖、三山
- 国家历史文化名城：南京、苏州、无锡、扬州、镇江、常熟、徐州、楚州
- 省级历史文化名城：高邮、泰州、常州、江阴、兴化
- 中国历史文化名镇：昆山市周庄镇、吴江市同里镇、苏州市吴中区甪直镇、苏州市吴中区木渎镇、太仓市沙溪镇、姜堰市溱潼镇、泰兴市黄桥镇
[编辑] 旅游
2003年底，国内旅游收入975.0亿元，国际旅游外汇收入11.3亿美元。
[编辑] 教育
江苏是中国教育大省。2003年全省拥有普通高校105所，本专科在校生85.97万，研究生在校生5.36万。普通高校数搭在校人数侪居全国首位。普通高中在校生124万，普通初中在校生370.35万，小学生人数579.39万。
江苏一龙总有89个国家重点学科，88位勒江苏工作个两院院士，11所211工程高校，10所中央部委直属高校。江苏个国家重点学科、两院院士、一级学科博士授权单位，一级学科博士授权专业、博士点、硕士点、国家重点实验室等数量侪居全国第二位。
教育部属&211&985
- 南京大学
- 东南大学
教育部属&211
- 中国矿业大学
- 河海大学
- 江南大学
- 南京农业大学
- 中国药科大学
国防科工委属&211
- 南京理工大学
- 南京航空航天大学
省属&211
- 南京师范大学
- 苏州大学
省属
- 南京工业大学
- 南京医科大学
- 南京邮电大学
- 南京林业大学
- 南京中医药大学
- 南京财经大学
- 徐州师范大学
- 江苏科技大学
- 南京信息工程大学
- 扬州大学
- 江苏大学
- 江苏工业学院
- 南京工程学院
- 淮阴工学院
- 南通大学
- 盐城工学院
- 淮海工学院
- 常州工学院
- 徐州医学院
- 南京晓庄学院
- 江苏技术师范学院
- 淮阴师范学院
- 苏州科技学院
- 盐城师范学院
- 南京审计学院
- 南京体育学院
- 南京艺术学院
- 江苏警官学院
[编辑] 宗教
[编辑] 基督教
好统计个信徒作兴有120万人，多数集中来北部宿迁、淮安、盐城、徐州、连云港5市。
勒江苏北部，仅原真耶稣教会信徒就有廿万人。 南京个金陵神学院是中国基督教独独个全国性学堂。
勒有星城市还保留着部分老早传教士造个老教堂，像南京个圣保罗堂、汉中堂搭苏州个圣约翰堂、乐群社会堂、思杜堂。近年把来，江苏南北各地咦新建着一批大型教堂。
[编辑] 天主教
好统计个信徒21万人。
- 南京教区--信徒有12万人，无锡市顶顶集中。辖区包括苏州、南通、徐州以外个10个市。
- 苏州教区
- 海门教区
- 徐州教区
[编辑] 伊斯兰教
- 南京三山街净觉寺
- 镇江山巷清真寺
[编辑] 佛教
- 南京栖霞寺，灵谷寺
- 无锡祥符寺
- 苏州灵岩寺，寒山寺，西园戒幢寺
- 镇江金山江天寺，焦山定慧寺
- 常州天宁寺
- 常熟虞山兴福寺
- 南通广教寺
- 扬州大明寺，高旻寺
- 句容隆昌寺
[编辑] 道教
- 苏州玄妙观
- 句容茅山道院
[编辑] 建国后主要领导人
- 省委书记
- 陈丕显（1949年5月 - 1952年10月）（苏南区委书记）
- 萧望东（1949年5月 - 1952年10月）（苏北区委书记）
- 柯庆施（1952年10月 - 1954年8月）
- 江渭清（1954年8月 - 1970年12月）
- 许世友（1970年12月 - 1977年12月）
- 许家屯（1977年12月 - 1984年12月）
- 韩培信（1984年12月 - 1989年12月）
- 沈达人（1989年12月 - 1993年9月）
- 陈焕友（1993年9月 - 1999年12月）
- 回良玉（1999年12月 - 2002年12月）
- 李源潮（2002年12月 - ）
(截止2006年1月)
- 省长
- 谭震林（1952年11月 - 1955年2月）
- 惠浴宇（1955年2月 - 1968年3月）
- 许世友（1968年3月 - 1977年12月）（革委会主任）
- 许家屯（1977年12月 - 1979年12月）（革委会主任）
- 惠浴宇（1979年12月 - ？）
- 韩培信（？ - 1983年5月）
- 顾秀莲（1983年5月 - 1989年4月）
- 陈焕友（1989年4月 - 1994年9月）
- 郑斯林（1994年9月 - 1998年9月）
- 季允石（1998年9月 - 2002年12月）
- 梁保华（2002年12月 - ）
(截止2006年1月)
[编辑] 外部链接
- 中国江苏(官方网站)
| 江苏省行政区划（省会：南京市） |  |
||||||||||||||||||||||||||||||
|
|||||||||||||||||||||||||||||||
| 中华人民共和国省级行政区划 | |
||||||||
|
|||||||||
