崇海大桥
来自 吴语维基百科
崇海大桥勒垃海门市区东面，跨江净阔1.8公里。大桥个建设使得崇明海门等地进入"上海1个钟头都市圈"。
内容 |
[编辑] 位置
崇海大桥是沪崇苏过江大通道个重要组成部分，拟建个大桥勒勒海门青龙港西面大约匝600米，崇明牛棚港东面大约1700米，江面宽度为1.8公里。北接通启高速、扬启高速搭苏中、苏北相连，南连沪崇苏南通道直接到上海浦东搭大小洋山港。
[编辑] 作用
崇海大桥个区位一只鼎，好勒江苏中部地区搭仔上海当中提供一条顶顶便当个通道。渠个优点是江面距离顶短、造个条件顶好、建设规模顶小、建设投资顶省、投资见效顶快、交通流向顶合理。渠弗单单好沟通海门、崇明两地之间个陆路联系，加强两地之间个经贸往来，还拿海门、南通等邻舍场化直接连进上海辐射圈里向，加速渠答个经济发展，对苏中苏北地区，甚至对整个长江三角洲个发展侪会得产生重大影响。好实梗讲法，崇海大桥连接个弗仅仅是地理概念浪个两个地区，也是一条从北到南个“工、农、商”产业分工带，海门搭苏中腹地个工业、崇明个农业(生态业)、上海发达个第三产业互相补充，互为市场，弗光好得着地区分工利益，还好加强互相之间个市场联系，可谓一桥“多赢”。
[编辑] 修建申请历程
- 经过13年个努力，崇海大桥技术层面浪个可行性论证已经基本完成哉。
- 2003年8月，江苏省委、省政府勒泰州召开沿江开发工作会议,拿崇海大桥建设列到沿江开发总体规划里向。
- 2006年1月20号，江苏省第十届人民代表大会第四次会议批准崇海大桥列到江苏省国民经济搭社会发展第十一个五年规划纲要当中。
- 2006年5月8号，海门市委、市政府成立大桥建设指挥部，拿大桥列为海门一号工程，进一步加强大桥建设个领导，充实技术力道，全力加速筹造进程。
[编辑] 相关人物
院士有: 李国豪、项海帆、范立础、施雅风、陈吉余
[编辑] 相关单位
- 江苏省发改委
- 江苏省交通厅
- 江苏省交通部长江航务管理局
- 江苏省水利部长江水利委员会
- 上海市市政管理局
- 上海同济大学
[编辑] 相关条目
- 崇启大桥
- 苏通大桥
