Motî:trawer
Èn årtike di Wikipedia.
trawer (codjowaedje)
I. [v.c.]
1. fé on trô dins (ene sacwè). F. trouer. >> trawer les orayes: fé on trô po mete des oriyetes. F. perforer. >> trawer on clå: î moussî avou on flîme po fé rexhe foû les mizeres. On dit eto: kerner. F. inciser. >> trawer ene biesse: (mot d' årtisse, d' acleveu) fé on trô dins l' panse d' ene vatche (d' on torea) k' est boschter, po fé rexhe li gaz. F. trocardiser. >> trawer les tikets: î fé on ptit trô po controler. F. poinçonner. >> trawer on gôl: mårker bråmint des gôls onk so l' ôte.
2. (imådjreçmint) passer houte di. >> shijhe trawêye: nute k' on n' doime nén do tot. Èn aloumwer vént broyî les shijhes trawêyes a l' tiesse do lét d' ses efants (P. Bossart). F. nuit blanche. >> trawer les orayes: fé bråmint do brut. Come po lyi responde, li cok lyi trawa ls orayes, avou s' coutcouloudjoû (J.P. Dumont). F. casser les oreilles.
II. [v.s.c.]
1. s' uzer disk' a trô (mousmint, toet, plake). Vos toles kiminçnut a trawer totavå. F. trouer, percer.
2. (å djeu d' beyes) passer avou l' bole a costé des gueyes, sins ndè pont stårer.
Etimolodjeye: bodje trô, avou candjmint d' voyale.
| trawaedje [o.n.] no d' fijhaedje et no di çou k' est fwait (accion eyet si adierça) pol viebe "trawer". F. percement, perforation, transpercement, trocardisation, traversée. >> trawaedje d' estoumak: magnaedje tot-houte del måjhire di l' estoumak pa on trawant må. F. ulcère perforé.
| traweu, traweuse u trawresse [o.f.n.] li ci (cene) ki trawe (ene sacwè). >> traweu(se) di tiket: onk (ene) ki contrôle les tikets d' trin, le foyes d' ovraedje, tot lzès trawant. Çou k' vos pôriz fé, k' i lyi dit co li traweu d' tikets, c' est do prinde on tacsi ki va direk el veye. Loukîz a: pikeu. F. ponçonneur, contrôleur.
| trawêye [f.n.]
1. moumint k' i gn a pupont d' plouve, inte deus walêyes, trô e cir la k' i gn a pont d' nîlêyes. Po vey l' airdiè, i fåt kel solea soeye discatchî dins ene trawêye. F. éclaircie.
2. plaece la k' i gn a pont d' åbes å mitan d' on bwès. Si l' åbe abatou s' ecramyive dins on toupet d' côrîs, i l' faleut disdjoker e l' haetchant foû et e l' aflaxhî dins ene trawêye (L. Mahin). On dit eto: clairisse. F. clairière.
| traweure [f.n.] pitite trawêye plaece. Dj' aveu bea bigner so li foye di tchinne et s' li rloukî d' tos les costés, dji n' î voeyeu ki les totès ptitès finès traweures. F. orifice, ouverture.
| trawrece [f.n.] usteye di buro, po trawer les foyes a classer. F. perforatrice.
Etimolodjeye: cawete -rece, 1995.
| trawoe [o.n.] (mot d' årtisse) usteye d' årtisse po trawer ene biesse k' est boschtêye. F. trocard.
Etimolodjeye: cawete -oe, 1999.
| trawa [o.n.] plaece trawêye dins èn oxhea, dins ene montinne, po poleur passer. Li longowe fene eweye del sirinke avou l' amacante drouke diveut aler divins l' trawa condilyin. F. conduit, tunnel.
Etimolodjeye: cawete -a, 2001.
Parintêye :
Omonimeye coinrece :
- trover (e des plaeces trawer)
Mots d' aplacaedje:
- Dipus d' racsegnes sol trawaedje del panse.
- Dipus d' racsegnes sol trawaedje d' estoumak.
- Dipus d' racsegnes sol djeu d' beyes (et çou k' c' est d' î trawer).
- Dipus d' racsegnes sol trawaedje des clås (abcès).
- "A shijhes trawêyes", c' est ene ramexhnêye di noveles da Emile Gilliard.
