Motî:tchôdron
Èn årtike di Wikipedia.
tchôdron [o.n.]
1. usteye di manaedje, gros pot di scroufier, di keuve, avou ene coviete, po cure l' amagnî dvins. On fjheut ça dins des tchôdrons d' keuve. Mi tchôdron est trawé sol costé (M. Francard). Metoz l' tchôdron e feu po fé l' cabolêye (F. Deprêtre et N. Nopère). Lambiet, fijhoz çki vs vloz, alez a cfesse; neglidjîz vosse tchôdron; båyîz, gretez vosse fesse (C. Wérotte). rl a: mårmite, casrole. F. marmite, chaudron. >> On n' est måy noeri ki pa des noers tchôdrons; u: C' est todi l' crama ki dit å tchôdron "Noer cou !": li ci ki dit do må des ôtes, il est co pus noer ki zels. Franwal: ahåyant po: On n'est jamais sali que par de la merde. >> aveur ene tiesse come on tchôdron: aveur må s' tiesse d' esse hodé, d' aveur trop boevou, a cåze k' i gn a trop d' brut. >> avou s' vî tchôdron, elle end årè on noû: dijhêye po ene djonne feme ki nd a maryî on vî: cwand i serè moirt, elle e rmareyrè on djonne avou l' eritance. >> c' est dins les vîs tchôdrons k' on fwait l' meyeute sope: sipot po dire k' ene feme k' est ddja d' ådje "va co bén". Loukîz a: cafè.
2. saeyea a buze On rmouyive li lindje tot vudant d' l' aiwe dissu avou on tchôdron a buze, po n' nén vudî a costé.
3. tchôdronêye. Mete cure on tchôdron d' aiwe.
4. boton d' ôr (fleur). Les tchamps sont rimplis d' tchôdrons (J. Coppens). Loukîz a: cou d' tchôdron. F. renoncule.
| tchôdronêye u tchôdnêye [f.n.]
1. çou k' gn a ådvins d' on tchôdron. Dj' aveu fwait ene grosse tchôdronêye di sope, et elle est ddja tote evoye (M. Francard). Al fén, prinde on coloe, li loyî do mî k' on pout, et coler tote li tchôdronêye djusk' a tant k' ça n' gote pus (ricete del djelêye di petches ramexhêye pa L. Mahin). F. chaudronnée, casserolée.
2. (pus stroetmint) cabolêye po les pourceas. On arindja ene plaece po Polite e vî cina, al copete do forni, la wice k' on cujheut l' tchôdnêye da Adofe, li pourcea (G. Ghys).
| tchôdronete [f.n.] pitite casrole. Il amoennént l' marinde ås tchamps dins ene tchôdronete.
| tchôdronet [o.n.] tchôdronete.
Ådvins |
[candjî] Tcherpetaedje
- tchôdron
- bodje : "tchôdire", cawete -on (pitite tchôdire).
- tchôdronêye, tchôdnêye
- cawete -êye
- tchôdronete
- cawete -ete
- tchôdronet
- cawete -et
[candjî] Parintêye
[candjî] Disfondowes
- tchôdron
- tchôndron, tchôdron, tchondron, côdron, tchoûdron.
- tchôdronêye, tchôdnêye
- tchôndronêye, tchôndnêye, tchôdronée, tchoûdrounée..
- tchôdronète
- tchôndronète, tchôdrunète, tchôdurnete.
