Simon li scrinî (teyåte)
Èn årtike di Wikipedia.
Simon li scrinî c' est ene rimêye pîce di teyåte e cwate tåvleas, rexhowe a Vervî diviè 1760, et k' on n' sait kî çki l' a scrît. C' est ene des pus viyès pîces di teyåte e walon kinoxhowes disk' asteure.
Elle a stî rtrovowe et replaideye pa Jean Haust avou sortite e francès Le mayeur ruiné par sa charge amon Vaillant Carmanne a Lidje e 1934.
Li pîce kimince pa on dvant-z-ouve, come les dramatikes des Greks, la k' on esplike li tinme et dmander escuze si les djouweus ont må djouwé.
Li dierinne sinne ki n' apoite rén, mostere li vî mayeur k' est resseré, et k' on "disgonfele" avou ene prudje. Cisse pitite piceure scatolodjike la (k' croeyeut k' i faleut di totes foice aveur po fé rire) si rtrove dins bråmint des tecses walon do 18inme sieke.
Li pîce a dandjreus stî scrîte pa on notåre, ca gn a des passaedjes d' akes di notåres ki sont scrîts dins les régues d' adon. I sont scrîts e francès administratif di ç' tins la.
