Scrîta
Èn årtike di Wikipedia.
Li scrîta, c' est l' lingaedje des tecses sicrîts el Walonreye el Hôte Moyinådje, dj' ô bén dispu diviè 1100, et disk' a diviè 1600.
Li scrîta est rwaitêye asteure come do vî walon, et nén come do vî francès, cabén kel tcherpinte des fråze et les tourneures administratives sont les minmes k' ôte pårt dins les payis k' eployént adon les lingadjes d' oyi.
L' ortografiaedje di sacwants mots el sicrîta a stî rprin e rfondou walon, pask' il estént pus près del tcherpinte istorike des mots, ki cwand i sont scrîts dins l' sistinme Feller.
Les mots ôrtografyîs come el sicrîta sont lomés eto, pus coranmint, vîs scrijhas.
Li mot scrîta a stî foirdjî e rfondou walon e 2002, po calker li noûmot scripta eployî pås linwincieus walons. Ci mot la fourit edvinté pa Louis Remacle e 1948, a môde di rcomprindaedje d' l' almand schriftsprache (sicrît cåzaedje).
[candjî] Sacwantès racsegnes k' on trove dins li scrîta
- Istwere di l' adurixhmint des cossounes å coron.
- Istwere del betchete ki-.
- Istwere des cawetes -nut & -èt.
- Eployaedje del cawete -ire dispu 1100.
- Eployaedje del cawete -ès des addjectifs femrins metous padvant
