Redîmés Payis
Èn årtike di Wikipedia.
Les Redîmés Payis u Redîmés cantons, u Cantons d' l' Ess, c' est les cantons d' Måmdey, di Neyow, et d' Sint-Vi, k' on stî "rindous" pa l' Almagne al Beldjike e 1919. Ene grande pårt aveut stî prinjhe pal Prûsse so les teres di l' ancyinne Principåté di Ståvleu-Måmdey al Påye di Wîne e 1816, i gn aveut-st eto li teritwere neute di Moresnet.
Il ont stî remantchîs a l' Almagne pa Hitler di 1940 a 1944. Eto, les djonnes mobilijhåves di ces viyaedjes la, inte did zels les walon-cåzants des bans di Måmdey et Waime ont stî sôdårds di foice dins l' årmêye almande.
Dispu 1970, les Redîmés Payis ont divnou li Cminålté Tîxhon-cåzante tot ndè rsaetchant les bans di Måmdey et Waime, k' ont stî raloyîs al Kiminålté francesse di Beldjike.