Motî:mizere
Èn årtike di Wikipedia.
mizere
I. [f.n.]
1. pôvrité. >> grandeur ådfoû, mizere ådvins: dijheye po on minåbe ki fwait l' grandiveus ådfoû. >> ene mizere di: on, ene foirt pôve, foirt minåbe. C' esteut ene mizere di tchaplete fwaite avou des tchvirons taeyîs al hepiete divins des coxhes di tchinne (R. Painblanc).
2. måleur. C' est bén a cåze di ces indjustices sociåles la k' i gn aveut tant d' mizeres di totes sôres sol payis (G. Lucy). Pus ki vos froz, pus ki vos vos end acwirroz, des mizeres (R. Dedoyart). Les manaedjes ki n' vont pus k' so ene fesse, sovint pa respet des efants, i s' racovtèt dins leu mizere (R. Dambly). C' est ene mizere sav', li ci k' i fåt ki prinde des ovrîs (ramexhné pa L. Remacle). On dit eto: eguegne, mehin, rascråwe; Loukîz al sinonimeye. F. souci, problème. >> cachî, cweri mizere a: acweri. On n' cache nén mizere a on Congolès pask' i travaye å noer (D. Vanderstoken). >> vini å coron d' ene mizere: endè rexhe. Po nosse payis walon, po k' i trove dins les mizeres d' ådjourdu li coraedje et les moyéns po ndè vni å coron (E. Gilliard). >> Cwand on cnoxhe° les mizeres des ôtes, on rprind co les sinnes. >> tuzer° poenne et mizere:
3. (po rire u honteuzmint) mozete. Catchîz vosse mizere! F. sexe, vulve.
4. crouwå (måle yebe ki crexhe dins les cortis, les semés tchamps). On dit eto: mannesté, nichté, runin. F. mauvaise herbe.
5. mannesté. Li cantonî rnetyive les filés d' aiwe avou on ramon et ene schoupe, et tcherdjî les mizeres dins s' berwete (M. Hubert). F. saleté, ordure, immondice.
II. Li Mizere u Les Mizeres Li, les Mizere(s) [n.pl.] no di sacwants hamteas del Walonreye.
| mizeråve [addj. padvant u padrî] ki vike el mizere. Il aveut intré dins on mizeråve forni et il a trové s' crapåde abiyeye avou des cayets come des lokes (G. Lucy). On dit eto: pôvriteus
| mizeråvmint [adv.] d' ene mizeråve manire. Les pôvès djins sayént pa tos les moyéns d' viker, djusse mizeråvmint; dji dirans puvite : di fé vicoter leu famile (G. Lucy). On dit eto: pôvriteuzmint.
| mizerreye [f.n.] moncea d' mizere, situwåcion d' mizere. Des mwins tindowes ki rmolént leu mizerreyes dissu l' apas di m' vicåreye (D. Trempont). F. indigence, dénuement, saloperie.
Parintêye :
- mizeryî
Mots d' aplacaedje :
- Dipus d' racsegnes so les hamteas lomés "Mizere(s)"
