Motî:maryî
Èn årtike di Wikipedia.
maryî (codjowaedje)
I. [v.c.]
1. prinde come feme, come ome. Il a maryî ene kimere did vaila. Leye k' åreut polou maryî on comte, on prince, pocwè a-t i falou k' ele voeyaxhe voltî on pôve pitit djouweu d' vierlete ? (J.M. Warnier). On dit eto: spozer.
2. diner s' feye a on valet, por leye divni s' feme. I ploût et i lût l' solea: c' est l' diale ki mareye si feye.
II. si maryî [v.pr.] divni ome et feme, divant l' eglijhe u divant l' mayeur. Li Bon Diu vs el wåde, Lisbete, alez; Et si vs maryîz cwand vos pôroz (Simon li Scrinî). Leu feye s' aléve maryî; bénrade, gn åreut des ptits gnognots (J.P. Dumont). >> si maryî et n' saveur dedja cure èn oû: dijheye po ene kimere ki s' mareye et ki n' sait fé a magnî. >> si maryî al plate pire; u: >> dizo des lincoûs; u: >> å ptit sacramint: viker aclapés (viker eshonne sins esse maryîs).
| maryî, marieye [o.f.n.] li ci (cene) ki s' mareye, li djoû des noices. Et l' maryî, esteut i co beazebén gåy ? F. marié(e).
| mariaedje [o.n.]
1. fiesse cwand deus djins s' marièt. On dit eto: noice.
2. situwåcion, po li lwè, cwand deus djins sont maryîs. Mins après, il a raboirdé å Belin, pu il a dmandé å cinsî po-z awè l' comere e mariaedje (G. Lucy). >> mariaedje dimande manaedje: i fåt aveur ene måjhon si on s' vout maryî. >> e plin mariaedje: do tins k' les djins sont maryîs, sins contrat. On-z a atchté ç' tchamp la e plin mariaedje: ça fwait k' i m' endè rvént l' mitan.
| marieu [o.n.] hanteu ki dmande li mariaedje. On-z aléve a perlinaedje a sinte Matrice po les crapådes trover on bon marieu. Si Mamjhele Djulia vout trover on marieu, sereut tins k' ele si decide, ca ele kimince a passer (F. Barry).
| marieuse u mareyresse [f.n.] feme ki saye di maryî les djonneas.
Parintêye: