Magriyete
Èn årtike di Wikipedia.
Li magriyete (on dit eto: pitite magrite, påcrete, frikete), c' est ene pitite fleur des tchamps, foirt corante, 5 a 15 cm hôte, ki cmince ddja a flori e moes d' avri, mins ki pout eto flori tote li såjhon. Elle a des blankès fleurs, avou ene miete di rodje al copete des petales. Del nute, li fleur si reclôt so leye-minme, et si rdrovi l' åmatén.
Elle edeure bén l' froed.
Ene sôre di ptite magrite a stî relîte po siervi d' fleur di corti, li crissôte.
No e sincieus latén : Bellis perennis.
Famile : Compôzêyes
Li ptite mågrite nén del minme famile kel rinne magrite.
[candjî] Uzaedje come yebe ås maladeyes.
On ndè pout fé on té po ctchessî les viyès tosses.
Les fleurs et les foyes sipotcheyes polèt esse metowes come eplåsses dins les coixheures nén drovowes.
[candjî] Li magriyete dins les fåves do vî vî tins et dins les belès letes e walon.
- Ene fåve do vî vî tins vout kel magriyete e stî tote blanke, å cmince. On djoû, li ptit Djezus si pica l' doet, ey ene gote di s' sonk touma sol fleur ki, dispu don, divna ene miete rôzlante.
- Dins l' lingaedje des fleurs, ele riprezinte li purté eyet l' tinrûlisté k' on s' vout po n' on l' ôte. On disploctêye li magriyete po vey si on voet voltî on galant. Ele riprezinte eto li florete d' ene båshele.
- Èn arimea da Mårtén l' Djonne sol magriyete