Léon Warnant
Èn årtike di Wikipedia.
Léon Warnant a skepyî a Oreye li 13 di måss 1919 et a morou a Lidje li 30 d' avri 1996. C' esteut on scrijheu e walon.
A scrît e walon deus ramexhnêye di powinmes: “Blames et foumires” (1953) eyet “Les anêyes et les voyes” (1955). A scrît eto des pîces di teyåte, dizo li spot di Léon Noël: “Li dictateur” (1960), “Såle 1417” (1961), “Et n' nos leyîz nén toumer el temtåcion” (nén eplaidî).
Come ricwereu sol walon, il a scrît on live, La culture en Hesbaye liégeoise, k' a stî eplaidî come prumé memwere di l' Académie Royale de Langues et de Littérature Françaises di Beldjike, T. 19, 1949. Cist ovraedje la est rprins sol limero [E23] dins l' Djivêye des motîs do walon.
E francès, il a scrît ene banslêye di sincieus ovraedjes dins s' mestî. Il est eto l' oteur di lives e francès d' Walonreye: Colâs Pîrlotche, écriveur (1981), Mon Mononke Colâs Pîrlotche et compagnie (1981).
Di s' mestî, esteut professeur d' univiersité al pirlodje di linwistike francesse.
