Jean Goffart
Èn årtike di Wikipedia.
Jean Goffart a skepyî a Djilî e 1953. I scrît e walon dispu 1981. Il a viké al Ronsåt ey a Djerpene.
Ci fourit on scrijheu e walon. Il a-st eplaidî deus u troes powezeyes dins l' Bourdon. Mins s' cwera-t i timpesse après des novelès voyes po « fé do walon », inte di zeles, les dijhaedjes di powinmes so on fond d' muzike, les tchansons, li binde d' imådjes, li radio.
Ses scrijhaedjes ont stî eplaidîs dins toplin di ptitès gazetes, come « Belgique n° 1 » (Les avinteures da Meliye Lès-aventures da Mèlîye). C' est ç' no la ki va rivni dins s' prumî roman scrît e rfondant carolo : Dji m' lome Meliye (2008).
Il a todi sôrtou des lives avou bråmint des imådjes, k' ont stî fwaits å pus sovint pa Jacques Raes : "Les avinteures des droles di zebes" (1983), "On cokea å solea" (1989), "Les avinteures da Ray Hure" (2000). Apus k' po « Nadilesse » la k' c' est Michel Bagerius ki fourit l' prumî dessineu.
"Nadilesse", c' est ene rîlêye di 8 romans, escrîts e francès, mins avou les dijhaedjes e walon. I fourît eplaidîs dins "La Nouvelle Gazette", a môde di fouyton. Il ont stî cmincîs e 1994.
E 1999, i prodût ene plake lazer avou ene peclêye di grands nos do walon come Claudine Mahy, Jany Paquay, Marc Keizer, Dino Forlane, li Ceke di teyåte e Walon del Ronsåt, Pascal Heringer, Ghislain Nicolas et les Pinsamis, eyet co ds ôtes. C' est lu k' end a scrît tos les tecses.
Djhan Goffart a stî onk des prumîs scrijheus e walon coinrece a ricnoxhe li role ki li rfondou pôreut aveur dins li rvicaedje do walon.
E 2006, i cmince ene rîlêye di scrijhaedjes so les spôrts pol Rantoele gazete, tot-z askepiant on novea persounaedje, li Ptit Louwis.
Djhan Goffart esteut mimbe di l' ALWAC (et rprins dins l' antolodjeye « Po les dijh ans do ptit »). Il a eto stî mimbe del Rantoele, et scrire on boket do live « Ké walon po dmwin ? ».
Di s' pasmint d' tins, i ramexhnêye des plakes di tchansons e walon. Il a ddja come 4000 tites.
[candjî] Djhan Goffart come radiowisse
Djhan Goffart a cmincî a fé do prezinteu d' emissions el radio e Noyé 1982, avou Radio-Arc-en-ciel (Radio-airdiè) a Djerpene.
Dispu 2004, il a rprins ene emission e walon al radio so Radio Quartz di Sombrefe. C' est l' prumire emission e walon evoyeye so les fyis, et aschoûtåve pattavå l' daegn.
Å resse, li tinme del binde d' imådjes "On cokea å solea", c' est eto li monde des radiowisses.
[candjî] Djhan Goffart et li rfondaedje do walon
Onk des prumîs a rwalonijhî les calcaedjes di l' inglès ki cminçnut pa S + cossoune
- ene estår do rond balon.
A eto ramexhné des noveas rwalonijhîs calcaedjes, come "asmala".
[candjî] Hårdêyes difoûtrinnes
- Pådje moennrece des scrijhaedjes då Djan Goffart (so l' Aberteke)
- Waibe di Radioquartz, la k' gn a ene emission e walon li dimegne di 8 eures a 10 eures bedje (7 eures a 9 eures å matén ECG a l'ivier) eyet 6 eures a 8 eures å matén GMT a l' esté)
- Si bibiografeye (e francès, a môde di diyaporama)
