Motî:hati

Èn årtike di Wikipedia.

hati (codjowaedje) [v.c.]

1. broûler so li dzeu. I rvént dé l' coir di s' feme, et-z aloumer on briket po lyi hati li plante des pîs, et les doyes, po vey s' ele vike co (L. Mahin). Li ptite boke del moxhe avou s' trompe, ses deus grands ouys ki l' blame a hati kimincèt a disparete (J.M. Masset). Loukîz a : rossi, rosti. F. brûler, griller, roussir..

2. broûler (on plat). Dj’ va leyî hati l’ soper, ttaleure (T. Beaudwin & M. Duchatto). Loukîz a : rayi. F. brûler, cramer, rôtir.

3. broûler et distrure. A foice di m' escoler pak' i m' faleut tot cnoxhe po viker, On m' a hati l' cervea (G. Cabay). F. brûler, carboniser, cuire, anéantir..

4. bén cure (ene tchå). Loukîz a : edoirmou, saizi, haper. F. cuire à point.

| hati [o.n.] rosse (coleur). F. roux.. >> tirer sol hati: aveur des tchvea inte blond et rossea. F. cheveux roussâtres.

| hatixhaedje [o.n.] no d' fijhaedje et no di çou k' est fwait (accion eyet si adierça) pol viebe "hati". F. brûlure, carbonisation.

Ådvins 1 Etimolodjeye 2 Minme sourdant etimolodjike 3 Sicrijhas ezès motîs 4 Sourdants

[candjî] Etimolodjeye

francike "haitjan" (minme sinse). ^[1]

[candjî] Minme sourdant etimolodjike

• hazi
• hazké

[candjî] Sicrijhas ezès motîs

hati 

hati [E1, E212b, G205], hater [G205], ater [G205], xhati [E212], miersipepieuzmint el notûle A.L.W. 5. 171.

hatixhaedje 

hatihèdje [E1, E212b], xhatixheje [E212]. ^[2]

[candjî] Sourdants

1. ↑ FEW 16, 126a.
2. ↑ Loukîz al Djivêye des motîs.