Djivion
Èn årtike di Wikipedia.
On djivion ou leme, c' est ene intrêye d' on live di mots.
Tos les djivions d' ene langue, eshonne, c' est l' motlî u vocabulaire di ç' lingaedje la.
Les djivions ki sont-st acceptés dins on metou lingaedje, et leu-z ortografeye sont decidés dins l' ovraedje k' on lome rifondaedje d' ene langue. Pus tård, po les langues bén setlêyes, c' est sovint l' bouye d' ene academeye.
Les djivions sont sovint des cmons nos, mins ça pout esse ossu des nos d' plaeces u des nos d' djins ki shuvnut l' oyance do lingaedje.
Les djivions polnut esse :
- des simpes mots, inte di zels, les cis ki provnèt di l' atroclaedje di l' årtike.
- des mots d' aplacaedje.
- des etroclas.
Polèt esse eto rwaitîs come djivions des troclets d' mots ki volèt dire ene seule sacwè, mins k' on n' a nén aplaké :
- såvaedje åwe, a des håyes, biesse ås tetes, pa des côps, aveur bon, Nouve Zelande, Bas Payis.
Po des linwincieusès racsegnes sol mot "djivion", alez s' vey e splitchant motî.
