Distriks del Roumaneye
Èn årtike di Wikipedia.
Li Roumaneye est pårteye e 41 distriks, pus ene municipålité: Bucaresse (Bucureşti). On pårtixhaedje e redjons a stî propôzé et srè motoit adopté e 2005.
Djivêye des distriks (relîs alfabeticmint):
[candjî] Istwere
Li pårtixhaedje del Roumaneye e distriks (judeţ, e roumin) est atestêye dins des documints do 15inme sieke. Å 19inme sieke les distriks ont stî atindjî shuvant l' modele des depårtumints francès.
Après li deujhinme guere daegnrece, li pårti comunisse candja l' pårtixhaedje do payis tot shuvant l' modele rûsse (e raiyons), mins çoula fourit rcandjî come davance e 1968.
E 1981 les ancyins distriks d' Ilfov eyet Ialomiţa on stî rarindjîs po-z askepyî les noveas distriks di Giurgiu, Călăraşi, Ialomiţa eyet Ilfov. A noter ki disk' a 1995 Ilfov n' esteut nén on distrik da sinne mins dipindeut di Bucaresse, li mwaisse-veye do payis.
On pårtixhaedje e cwate redjons (Dobrodjea, Moldaveye, Transilvaneye, Walakeye) est plané po 2005.