Diele ås veas
Èn årtike di Wikipedia.
Del diele (on prononce eto djèle, djète, diète, dièfe, djèfe, diène), c' est des rondès blankès plakes todi bén setches ki vnèt sol pea avou bråmint des pelakes, come des latons.
Eles sont cåzêyes d' ene tchamosseure del pea, Trichophyton verrucosum, ki formagne li raecinêye des pwels.
Po des racsegnes linwistikes sol mot "diele", alez s' vey e splitchant motî.
Li mot "diele", c' est eto l' no d' ene sôre di tere.
Ådvins |
[candjî] Minêyolodjince
On l' voet pus sovint so des veas ki dmorèt e ståve. Mins li må pout s' mete ås ôtès biesses a costé. Les dieles si polnut minme mete ås djins ki sognnut u ki médeynut les malådès biesses. Insi, c' est ene zonôze.
[candjî] Senes clinikes
On les voet å cmince sol tiesse et l' cô. Mins ele polnut wangnî tot l' coir. Al fén, les rondès plakes si rdjondnut, et on a des dessins come des mapes di djeyografeye. Dins les pus laids cas, totes les plakes sont rdjondowes, et on n' voet pus k' c' esteut des ronds, et s' brouyî d' diagnostik.
Les biesses ni s' schôpièt nén (çou ki fwait l' diferince avou l' rogne).
Les dieles ni fjhèt waire fraityî les biesses, mins sont laides a vey.
[candjî] Médiaedje
- avou des vîs rmédes : di l' ôle di vudaedje des otos, mins i fåt bén waiter di ndè pont mete dins les ouys.
- avou des droukes del famile des conazoles (enilconazole), metans.
Divant d' médyî, i fåt screper les pelakes avou on ptit baston, disk' å sonk, pus stinde li produt, sol plake, et eto so l' orire del plake, ca c' est låvå kel vicante tchamosseure est metowe, po ndaler pus lon sol coir. I fåt todi mete des wants !
[candjî] No del maladeye dins des ôtes lingaedjes
- francès : teigne bovine
- inglès : ringworm
- almand : Glatzflechte, Trichophytie
- arabe marokin : goub, qraa
- amazir (techelheit) : tafouri
