Binamêye Revolucion
Èn årtike di Wikipedia.
Li binamêye revolucion, u Revolucion lidjwesse, c' est ene revintreye el Principåté d' Lidje k' est l' prumire d' ene longue rîlêye.
Elle a cmincî li 18 d' awousse 1789. Les conseyîs del comene fourît pités a l' ouxh del Viyolete. Li peupe loma deus noveas borguimwaisses Fabry et Tchestret.
Li capitinne Ransonnet, avou ene pougneye di sôdårds, s' a rindou mwaisse del citadele on-z a fwait ene croes so les reglumints k' el Prince Eveke aveut ponou et ki bouxhént les mestîs djus.
Li prince-eveke a siné, l' acoird, e si tchestea di Hesta.
Li binamêye revolucion a stî shuvowe d' on prumî radjocaedje, del deujhinme revolucion, do deujhinme radjocaedje (1792).
Dins les Bas Payis otrichyins (li restant del Walonreye d' ouy), gn a yeu so les minmes trevéns li Revolucion Braibançone.
Ci côp la, les Francès ont-st abroké el Principåté (1795). Ci fourit li cminçmint do redjime francès.
[candjî] Sacwants acteurs del Binamêye Revolucion
- Jacques-Joseph Fabry
- Prince-eveke di Meyan
- l' abé Ramoux
- Djihan-Pire Ransonnet (?)
- Jean-Remy d' Tchestret
- Prince-eveke Velbruck
