Amponî
Èn årtike di Wikipedia.
.jpg/180px-Raspberries_(Rubus_Idaeus).jpg)
Èn amponî (on dit eto: on rodje åmonnî, èn amblî, on frambåjhî), c' est ene ronxhe ki dene on frut bon a magnî, rodje saetchant sol rôze, l' ampone (on dit eto: li rodje åmonne, l' ambe, et l' frambåjhe u l' amande, mins ces mots la siervèt ossu po des ôtes fruts).
Li rodje åmonne est fwaite di totès ptitès boles, come des makes d' ataetche.
El Walonreye, ele vént do moes d' awousse å moes d' octôbe.
C' est purade on frut del froede Urope, ki n' vént nén dins les payis del Mîtrinne Mer, todi nén dins les plins.
L' amponî vént dins les bwès, mins pout esse ahivé, po fé del gote d' ampones et del bire ås rodjès åmonnes.
Avou les ampones codowe ezès bwès, on pout fé del confiteure et des dorêyes.
No e sincieus latén : Rubus idaeus
Famile : rôzacêyes.
Po les racsegnes linwistikes, alez s' vey e splitchant motî a åmonne, ampone, ambe et frambåjhe.
