Zêebrugge

Uit Wikipedia

Zêebrugge (Nederlands: Zeebrugge) is 'n dêel van Lissewege, dêelgemêente van Brugge.

[bewerkn] De gemêente

In 1965 teldege Zêebrugge 4.750 inweuners.

Zêebrugge is van in 't begun e vissersoavn gewist en is vandoage de grotstn van België. In de joarn tsjeventig is Zêebrugge enorm uutgebreid. 't Is nu de twêede grotste en modèrnst' oavn van België.

[bewerkn] De zêeoavn

Zêebrugge eit e schôon strange moar is voral e grôte zêeoavn. In 1878 ountwierp ingenieur barong De Maere van Aertrijke e plan vor e kanoal dat Brugge me de zêe moste verbiendn. In 1895 anveirdege 't parlement da plan. In 1896 begostn de werkn die deurdegen toet in 1907. D'r wierd e binnenoavn angeleid in Brugge, e kanoal van 11 kilometers lank, 70 meters brêed, en 8 meters diepe. D'r is ton ôok 'n oavndam angeleid van 2,487 kilometers lank en 50 meters brêed. De sluze in Zêebrugge was 256 meters lank, 20 meters brêed en 9 meters diepe. Binst de twêede Weireldoorloge is den oavn verwoest. Achter den ôorloge en ze d'oavn ton were eripgebouwd en verder vergrodderd, woamee dat 't nu de modernste en twidde grotste oavn van België is en één van de modernste van Europa.

Mêer ofbeeldiengn die ier by passn ku je vien ip Zeebrugge ip Wikimedia Commons.