Yves Bondue
Uit Wikipedia
Yves Bondue (Yper, 1 moarte 1966) is un componist, acteur, muzikant, zanger, tekstschryver, kortom un muzikale duzendpôot.
[bewerkn] Leevn
Yves Bondue is werkzaam ip verschillende theoaterfrounten. An den ène kant is 't ie un componist die oal styf veel pryzen gekregen eet vo zyn werken, zowel in Vloandern ols in ’t buteland, toe in Rusland toe. Je schreef vô kamerorkesten, vô kôren (je was ôok un tyd kôorleider van 't strydkôor Vamos Pro Lutar) toet zelfs un opera.
Ols tonèèlmens speeldet ie ol in verschillende tonèèlstikken vo volwassenen, ounder andere me Anton Coogen, mo je was ook ol up de Gense Fèèsten en in verschillende culturele centra met zyn stikken van Mol en Muis vo kienders.
Ols muziekpedagoog ield ie verschillnde muziekworkshops vo gezinnen Kun je de mieren horen zingen? en De Schaduw van de Kleurenvanger en je deed ôok verschillnde gastcolleges an de vele pedagogische oge schooln in Vloandern. Me zyn workshops 'Folkdans' ounder de name Het Eiland van de Tovercirkel was 't ie ip ’t folkfestival van Dranouter.
Je stot ol me styf veel van zyn muziek ip CD’s van un ander, moa verleden joare eet ie un eigen CD uutgebrocht Sjchrijeuw et L'histoire du vélo ver, womee dat ie zelfs upgetreedn eet ip et RazzMatazzfestival, en folkfestival in Olland. Vo 't moment zyn de ipnamen bezig van zyn twèède CD. Zyn muziek et folk- en chansoninvloedn.
Je kunt em vo ’t moment ook bewounderen me zyn vertelwandeliengen in den omtrek van ’t Folk in Dranouter wo dat ie un fakkeltocht combineert me verhalen, accordeongmuziek en liedjes over un Rus die ier in West-Vloandern bluven angen is achter den èèste wèreldorloge.