Stefaan Maene

Uit Wikipedia

Stefaan Maene (Ostende, 13 meie 1972) is een West-Vlamsche zwemmer. J’ is ipgegroeid in Brugge en weunt nu in Snellegem. Z’n specialiteit is rikslag en wisselslag. Je won twee bronzn medailles: in 1993 ip de weireldkampioenschappn korte boane in Palma de Mallorca ip de 200 meter rikslag (1'55"68) en in 1995 ip de Europeesche kampioenschappn lange boane in Wenen ip de 100 meter rikslag (56"32). Je verbeterde 78 Belgische records binst z’n carrière woavan dat er nu nog assan een deel ip zyn noame stoan.

[bewerkn] Erelyste internationaal

Finale 200m rik: achtste en B-finale 100m rik: tweede (Olympische Spelen 1992 in Barcelona)
Brons 200m rik (WK 1993 Mallorca)
Brons 100m rik (EK 1995 Wenen)

In 1997 ist’n gestopt mè zwemmn deur familiale probleemn woadeure dat’n in ’n zwoare depressie gerakte. Op e bepoald moment woogn zelfs 135 kilo.^[1]

Je vindt ook zelve dat ’n e grote foute gemakt èt deur weg te goan by zyn trainer Stefaan Obreno. J’ad er ton moeite mee da zyn trainer ook andacht ad vo Brigitte Becue.

In 2005 et’n em helegans erpakt en ip 33-joarige leeftyd ist ‘n begost an een come-back. Je doet er nu alles an vor een kwalificoatie vo de Olympische Speeln van 2008 in Peking in de wacht te sleepn.

[bewerkn] Psoriasis

Stefaan Maene is peter van de Psoriasis Liga. Psoriasis is een chronische “huidziekte” die nie besmettelik is. Maene was al beroepszwemmer ost’n vo ’t eest psoriasis kreeg. Zyn ziekte en de reacties dat’n d’rip kreeg, zorgdn d’rvoorn dat ’n gin stap meer in ‘t zwembad doste te zettn. ‘t Is moa dankzy de steun en anmoedigingn van zyn nieuwe vrouwe dat’n em erpakt et en dat’n were begoste te trainen. Je probeert nu ook de drempel te verlegen vor al d’andere psoriasispatiëntn.