Sophie Dewaele
Uit Wikipedia
Sophie Dewaele (Yper, 3 december 1973) es een West-Vlamsche radio- en TV-presentatrice. Z'es upgegroeid in Ollebeke.
[bewerkn] Carrière
Sophie Dewaele eit eur êeste stapkes in de media gezet by WTV. Loater dee ze reportoageweirk voo Radio 2 Oost-Vlaanderen. In 1997 es ze begonn als omroepster by TV1. Z'eit doar reportoages gemakt voo Vlaanderen Vakantieland en De Rode Loper. Ondertussn bringt ze ôok verslag uut voo het Donna programma Diva over culturele gebeurtenissn.
Achter da ze nen twêeling gekreegn eit, es ze an de UGent begunn weirkn als persattaché en woordvoerster (2003). Moar da ei ze nie lange vulgegoodn, want in 2004 es ze by VIJFtv gan weirkn. Voo die zender presenteert ze programma's, gelik De Afvallers, De Brandkast, Thuis in je tuin, Nanny 911 en Hello Goodbye Zaventem. Ondertussn presenteert ze ip Focus, WTV en AVS de rubriek Tendens Woonmagazine. Z'es ôok weregekêerd noa de radio, noamelik noa Antwerpen 1.
Ze presenteert ôok allerhande bedryfsevenementn.
[bewerkn] Varia
Sophie Dewaele eit boekn geschreevn over et moederschap:
- 2005: "Alles in het dubbel". Over de êeste joarn achter de geboorte van eur nen twêeling, met de goeie kantn en de probleemn.
- 2007: "Droom van een moeder"
Ze wos 8 joar getrouwd met Erik Strieleman (1999-2007).
