Piano's Maene
Uit Wikipedia
Piano's Maene uut Ruuslee es en bloeiende muziekinstrumentenzoake die begost es kort achter den Twiddn Weireldôorloge deur de familie Maene. Chris Maene is vô de moment de zoakvoerder.
Inoud |
[bewerkn] Chris Maene
Oas kiend wos Chris oal bezig me klassieke muziek, je bouwde oals tie 16e woas zyn eerste klavecimbel.
Chris es gekwêekt in de muziekweireld en et e passie voa klavierinstrumenten. Je zelve e Steinway vleugel -Kitchenpiano ut 1836- achtergemakt (jet er 3 joar an gewerkt), e tydje geleden stound tie in 't concertgebouw van Brugge. J'is bekend van Moskou toet an New York en van Parys toet in Sydney.
[bewerkn] Maene Pianodistrubutie n.v.
't Is e bedryf dat al 60 joar bezig is met de pianoverkôop. 't Goat ier over e familiebedryf, der werken 32 menschen.
Piano's Maene is sedert 1998 den officiëlen invoerder (van de piano's) vo België van Steinways & Sons ut Hamburg. Achter me ruze drie joar is Maene e goeie Steinway partner gewordn. Sedert 2002 zyn ze allêeninvoerder vo België.
[bewerkn] Maene - Douterloigne B.v.b.a.
Dien B.v.b.a., in 1974 ipgestart deur Chris Maene en zyn vrouwe, es gespecializeerd in de echte reconstructie en bouw van oude instrumenten. Sedert 1974 bouwt de B.v.b.a replicas van istorische pianofortes van bouwers lik: Graf, Walter, Streicher… Deur de internationoale reputoatie van het "Chris Maene atelier" stoan er al fortepiano's over hêel de weireld: Conservatoire National Supérieur de Parys, National Opera of Finland, Hong-Kong Academy for Performing Arts, Cornell University te New-York, Sydney- en Perth University, Juilliard schole te New-York,…
Z'ein ôok en sterke reputoatie vô clavecimbels en olle sorten klavierinstrumenten, lik puuporgels.
Me ulder stilkennisse zyn ze natuurlik ôok goe vô restoroaties, stemmiengen, expertiezes en occoazies.
[bewerkn] Maene Pianorent n.v.
Die ofdêelienge stoat in vô verhuur of leasing van piano's an privépersônen. Ôok voe grôte concirs kunnen ze de juste piano inzettn.
[bewerkn] Under lokoaties
Z'en gebouwen in Ruuslee, Brussel en Gent. Doar stoan der reekn mè buffetpiano's, vleugelpiano's en digitale piano's. Oal de grôte merken ku je doa vienden (Steinway& Sons, Boston, Essex, Kawai, Shigeru-Kawai, Yamaha, Petrof, Pleyel, Erard, Sauter, Seiler, Ritmüller, Samick, Young Chang en Callmann).
[bewerkn] 't Museum
Buten e reekse winkels et Piano's Maene ôok e museum (da ligt ôok in Ruuslee). Z'en e collectie van antieke en zeldzoame klavierinstrumenten. De verzamelinge bestoat ut under andere e Hans Ruckers klavecimbel ut 1692 en e fortepiano's van Graf, Tomkinson, Wachtl, Pape, Longman, Clementi, Stöcker, Worning, Bösendorfer, Erard, Steinway &Sons, Pleyel,…
Je ku goan kykn no die instrumenten, moa je moet êerst en afsproake maken.
