Phil Selway
Uit Wikipedia
Philip "Phil" James Selway (23 meie 1967 in Abingdon, Oxfordshire, Iengeland) i den drummer voan den muziekgroepe Reedioead. Je heft diene groepe ziene èègen geluud do precies en gevarieerd te drummen. Phil è t'oedste lid van Reedioead. Ie hing noa dezeflste schole (Abingdon Boys School) as de oandre Reedioead led'n: den zangere Thom Yorke, gitoaristn Ed O'Bryn en Jonny Greenwood en bassist Colin Greenwood. Ie kwoam by den groep toen dat under primitieve drumcompjutere 't é beheven. Ie studêerde Iengels en geschiedenische on "Liverpool Polytechnic". Vo 't grote suksjes voan Reedioead eet ie lessche Iengels heheven. J'eet oak nog hedrumd bii sommehe oandere groep'n tydens under uptredens. Phil i hetrouwd me Kate en eet drie Zeuns: Leo, Jamie en Patrick (oan wie the cdees Kid A, Amnesiac, en Hail to the Thief zyn uphedrag'n). In tegenstellieng tot vele drummers van rockgroep'n eet Phil wel iinvloed up de muziek die wordt heschreven. Zo kieest Phil bievoarbeeld wukke ipnoame van u liedje den CD oalt. Je vindt t nie leuke om alléene vanchteren up t podium te zittn en soms aanzien te worden vo den buschauffeuer. Ie kan ter ook nie teg'n ater iemand zyn heuning steelt. Zienen (iroonische?) bienoame is "Deurgeslahen Oend".
Neffest drummer van Reediohead speelt ie sam'n met zinne Reedioheadcolleha Jonny Greenwood oak nog in t groeptje The Weird Sisters, een groeptje in Arry Omo en den vuurbekere. Phil speelde oak tehare met t groeptje Dive Dive in moarte 2005. J'is ook bezih in de verenehinge the Samaritans die menschen probeert tegen t'oeden as ze under zelven probeeren up t angen.
[bewerkn] Externe koppelienge
- The Phillovers Menschn die Phil geirn zien
