Peter Paul Rubens
Uit Wikipedia
Peter Paul Rubens (Siegen, 28 juni 1577 – Antwerpn, 30 meie 1640) is verreweg de bekendste barokschilder oller tydn. Ze techniek wos fabuleus en 't drama dat 'n in ze werkn stak, is ni vele geëvenoard. Rubens wos oek diplomoat.
[bewerkn] Leevn en werk
Peter Paul Rubens is gebôorn in Duutsland uut Vlamsche, welgestelde ouders. Achter dat 'n opgenoomn is als Mêester in de schildersgilde in Antwerpn, goat Rubens in 1600 noar Italië. Doa lêert 'n de schilders uut de Antieke Tydn apprecieern.
E reist deur Italie en oek deur Spanje, op diplomatieke missies. Intussentyd makt y ounder andere in Madrid kennisse mè de werkn van Titiaan.
As 'n were kêert in Antwerpn, vroagn Albrecht en Isabella, de aartsertoogn die in de Nederlandn boas zyn, vo hofschilder te kommn. In 't zelfste joar (1609) trouwt Rubens mè Isabella Brant.
E joar loater goat 'n weunn en werkn in een atelier an de Wapper in Antwerpn, mè e hêeln pak elpers (oek wel 'roapn' genoemd).
In 1626 goa ze vrouwe dôod.
Rubens meugt nog ossan op diplomatieke missies; deze kêer is 't voe Albrecht en Isabella. As 'n were kêert uut Iengeland, ertrouwt 'n mè e jounk mèsje, Hélène Fourment. Rubens is 53 joar, zy is 16.
Peter Paul Rubens goa dôod in 1640 in Antwerpn. E legt doa begroavn in de Sint-Jacobskerke.
[bewerkn] Bekende schilderyen
- De drie gratiën
- De Roof der Sabijnse Maagden
- De Kindermoord
- Kruisoprichting
- Kruisafneming