Olympia Zwembad
Uit Wikipedia
't Olympia Zwembad is 't grotste zwembad van de regio Brugge (Sint-Andries), 't ligt eigentlik juste neffest 't Jan Breydelstadium, 't stadium van Cercle Brugge & Club Brugge.
De piscine êet acht boantjes mêe twêe compartementen ter grotte van 25 meters. Tesoamen êet 't dus e lengte van 50 meters. 't Is in feite azo da je ton êen gedilte êet wor dat de diepte 5 meters is, vo dedeze die boantjes willn trekn en de deze die van de spriengplankn willen spriengen. 't Andere compartement êet e maximum-diejpte van 1m40 en is dus in feite bedoeld vo de dêe die willn plenzn en speeln. Ip wedstryddagen loaten ze ton de meure die tusschen de twi compartementen zit, zakkn. 't Oendiepste gedilte loaten ze tan ook met e moteur nog e bitje zakkn zodat de zwemmrs gin ambetantigêedn oundervienden as ze roundkêern.
't Zwembad is verder uutgerust mêe drie glyboanen en e ploeterbadje vo de klêne gastn. 't Zwembad êet spriengplanken toe 10 meters ôge.
't Olympiabad êet de dag van vandage wel te kampen mêe betongrot. Nu zyn der dus stemmen die ipgoan om 't zwembad, da in feite toch wel z'n tyd êet get, met de ground gelyk te moaken en heleganschen erip te bouwn. Mo doarvan is 't latste nog nie gezeid.
In Brugge êe je nog twi andere, klindere zwembaden. Ip Kristus Keunink ê je 't 'Jan Guilini'; ip Assebroek êen ze 't Interbad.
