Meroviengers
Uit Wikipedia
De Meroviengers woarn een dynastie van Frankische keuniengn die regeerdn van de 5e tout de 8e eeuwe.
[bewerkn] Ountstoan
De noame komt van Merovech, de keunienk van de Salische Frankn die regeerde van 447 tout 457. Zyn klêenzeune Clovis I verenigde ‘t grotste dêel van Gallië ten noordn van de Loire. Deurda Clovis em in 496 liet doopn wierd ’t christndom ‘t stoatsgelôof van ‘t Frankisch Ryk.
Teegn de 7e eeuwe begost de periode van de Hofmeiers. De Merovingische keuningn trokkn under niks mêer an van ‘t feitelikke regeern en z'aan e luxeleevn. ’t Enigste dan ze nog mostn doen was nu en ton under andteekn zettn. Doarom kreegn de Merovingische keuningn van de periode van de Hofmeiers (634 -751) de benoaminge van Vadsige keuningn (les rois fainéants).
De Hofmeiers krêegn mêer en mêer te zeggn en uuteindelik pakte Pepeyn den Kortn, van ’t geslacht van de Pepinidn en Hofmeier an ‘t hof van de Merovingische keuningn, in 751 de macht over. Je zette de latstn Merovingischn keunink, Childerik III, of. J’aa gevroagd an paus Zacharias wien dat er keunink most zyn: dendeen die de titel droeg of dendeen die de feitelikke macht aad. Met de steun van de paus wierd Pepeyn keunink en stichter van de dynastie van de Karoliengers.
[bewerkn] Geschiedenisse van Frankryk
Oudeid
- Pre-istorie
- Keltisch Gallië
- Romeins Gallië (51 v. Chr.- 486)
- De Frankn
Middeleeuwn
- Meroviengers (481-751)
- Karoliengers (751-987)
- Capetiengers (987-1328)
- Uus Valois (1328-1589)
Nieuwn tyd
- Uus Bourbon (1589-1793)
- Fransche Revolutîe:1789
[bewerkn] Lyste van de Meroviengische keuniengn
- 447 - 458: Merovech
- 458 - 482: Childerik I
- 482 - 511: Clovis I
- 511 - 558: Childebert I
- 558 - 562: Chlothar I
- 562 - 566: Charibert
- 562 - 575: Sigebert I
- 566 - 584: Chilperik I
- 584 - 628: Chlothar II
- 628 - 637: Dagobert I
- 637 - 655: Clovis II
- 655 - 668: Chlothar III
- 668 - 674: Childerik II
- 674 - 678: Dagobert II
- 674 - 691: Theuderik III
- 691 - 695: Clovis III
- 695 - 711: Childebert II
- 711 - 716: Dagobert III
- 716 - 721: Chilperik II
- 721 - 737: Theuderik IV
- 743 - 751: Childerik III
