Lieven Verstraete
Uit Wikipedia
Lieven Verstraete (Brugge, 19 oktober 1962) is een West-Vlamsche journalist en nieuwslezer by de VRT.
[bewerkn] Carrière
Lieven Verstraete èt de interesse vo politiek van z’n ouders meegekreegn. Je studeerdege Geschiedenisse in Gent. Je werktege êerst in e schoolbibliotheke en loater an de KU Leuven en by e verzekeringsbedryf.
In 1987 ist ’n gesloagd vo ’t latste grôot journalistnexoamn van de BRT. Ip 1 januoari 1988 begost ’n by de radionieuwsdienst, êerst by ’t nieuws ’s nuchtends tegoare mè Johny Vansevenant en loater ist ‘n Europees verslaggever gewordn.
Ook ost ’n in 1999 noa de televisie overstapte dêed ‘n Europa en loater ist ’n verslaggever van de Wetstroate gewordn.
Vanof 2004 presenteert Lieven Verstraete Het journaal en sedert september 2006 Terzake ip Canvas.
[bewerkn] Varia
- Lieven Verstraete kan nie leevn zounder muziek. Da kan klassiek zyn, jazz, of alternatieve rock, moa z’n grôte passie is Brazilioansche muziek. En deur te luustern noa die tekstn èt 'n ook interesse gekreegn vo de Portugeesche toale.
- Een andere passie van em is basket. J’ è zelve nog gebasket by Racing Brugge tout an z’n 35 joar.