Krant van West-Vlaanderen
Uit Wikipedia
 |
De Krant van West-Vlaanderen (Gazette van West-Vloandern) es e wekelykse gazette die in West-Vloandern wordt uutgegeevn. De gazette bestoat uut verschilende regionale ediesjes, en wordt deur Roularta uutgebrocht. 't Et e totoale verspreidienge va bykan 75.000 exemploarn.
De gazette is oorsprounkelik ountstoan uut de Roeselaarse Weekbode, en et teegnwoordig de lokale titels Brugsch Handelsblad, De Weekbode, De Zeewacht, Kortrijks Handelsblad en Het Wekelijks Nieuws (De Poperienknoare).
De Weekbode et ton nog aparte regionale versies: editie Roeselare, editie Izegem, editie Tielt, editie Leie, editie Torhout. Het Wekelijks Nieuws komt nog uut in editie Kust, editie Gaver en editie West. In totoal zyn der dus 11 lokale uutgoavn. Der zyn lokoale redacties in Brugge, Ostende en Kortryk en e centroale olgemêne redactie in Roeseloare.
[bewerkn] Varia
- Ip 10 november 2006 eit de gazette een interview gepubliceerd over de West-Vlamsche wikipedia, zie In 't nieuws vo mêer details.
- Sedert 12 januoari 2007 presenteerde de gazette iedere weke een artikel van de West-Vlamsche wikipedia in de rubriek Wiki van de Weke, moa dat en ze achter 4 weekn stille eleid.
