Kattestoet
Uit Wikipedia
- Dit artikel es geschreevn in 't Ypers, en da zou best ozô bluuvn.
De Kattestoet van Yper is e drie-joarlikschn stoet die in 't teekn van kattn stoat.
[bewerkn] Geschiedenisse
'n Oorsproeng van 'n stoet is een bitje oenduudelik. 't Is zeker da ze sedert 1476 kattn smeetn uut 't belfort van Yper. Da wos e gebrukelik fenomeen in de Middelêeuwen, omdan de menschn geloofdn dan kattn 't kwoad brochn. Zen de latste kee echte kattn no beneen esmeetn in 1716 - doarachter voen ze 't verzekers te gruwelik voe de beestjes. Tusschn 1813 en 1817 en zet nog eentege kirs edoan.
[bewerkn] Modern stoet
In 1938 is n burgemeester, Jan Vanderghote, were begun mètn stoet, me da verschil da ze me pluchn kattn smeetn. Achter 'n twin weireldoorloge en ze etwuk nieuws inevoerd: e kleen stoet. In de joarn vichteg, oender invloed van burgemeester Albert Dehem, isn stoet utegroeid toet e groot spektoakel woarin da de geschiedenisse en de rolle van de katte utebeeld wos. 't Wos eest e joarlikschn stoet, moar in 1991 zyn ze overeschoakeld op e drie-joarliks evenement. De latsten wos in 2006.