Ingeborg
Uit Wikipedia
Ingeborg Sergeant (Mêende, 15 oktober 1966), beter gekend als Ingeborg, es een West-Vlamsche zangeresse en TV-presentatrice.
[bewerkn] Carrière
- Ingeborg es ofgestudeerd an Studio Herman Teirlinck, woar da ze lesse kreeg va Raymond van het Groenewoud. In 1988 dee ze tôpe me Raymond van het Groenewoud mee an de Baccarabeker, woar da ze de Sabamprys en de personality-prys kreeg. 't Wos 't begun van eur carrière.
- In 1989 dee ze voo België mee an het Eurosongfestival. Me het liedje Door de wind oalde ze de 19ste plekke me 18 puntn. Ze kreeg de prys voo 't beste debuut ip Zomerhit '89. Z'eit een oantal ploatn gemakt (Zie Ploatn).
- In dazelfste joar begoste eur TV-carrière, met het programma Zapp ip de BRT. Vanof 1990 presenteerde ze het jeugdprogramma Schuif Af ip VTM, in 1991 begost ze met het presenteern va Blind Date, ipnieuw ip VTM. Z'eit de twêe programma's joarn lang gepresenteerd. Andere programma's met eur als gastvrouwe woarn All you need is love (1995), de Trouwshow (1996), Het Gevoel van (1998), Wondere Wereld (1999), De Keuze van de Kijker, Bluf (2003) en Ik wil je iets vertellen (2005). Z'eit veel Goudn Ôgen gekregen, zowel als zangeresse en als presentatrice.
- Ingeborg eit ôok theatershows gedoan, lik Twee uur vanaf nu in 1994.
- De latste joarn es Ingeborg vele bezig me spiritualiteit, zelfontwikkelienge en Yoga. Ze gift ounder ander lesse an het Light Body Institute in Brugge.
[bewerkn] Ploatn
- 1990: Voor een seconde (ounder andre me Door de wind)
- 1992: Dertien Daarom Droom
- 1995: Hartrock
- 1995: Ingeborg Diamond Collection
