Gruuthusemuseum
Uit Wikipedia
‘t Gruuthusemuseum is ’t Stedelik Museum vor Oudeidkunde in Brugge.
[bewerkn] Liggienge
Lik ‘t Groeningemuseum ligt ’t ook in ’t erte van Brugge an d’n Dyver en ’t is oundergebrocht in ‘t 15e eeuwse paleis van d’ eern van Gruuthuse.
[bewerkn] Van paleis tout museum
- van ca. 1425 tout 1596 weundn d’eern van Gruuthuse in ’t paleis.
- van 1628 tout 1874 was ‘t ’n socioale instellinge: “Berg van Barmartigeid”.
- van 1900 tout 1954: ’t museum van ’t Oudeidkundig Genootschap van Brugge.
- vanof 1955: ’t Stedelik Museum vor Oudeidkunde en Kunstnyvereid.
[bewerkn] Beziensweirdigeedn
Boovn d’n ingank stoat er ’n standbeeld van Lodewyk van Gruuthuse, te peird.
D’r zyn een dertigtal zoaln w.o.’n apotheke, 'n provisiekoamer en ’n oude keukn, ollemolle mè voorwerpn die verwyzn noa ’t leevn tusschn de 15e en 19e eeuwe: meubels, beeldn, edelsmeedwerk, textiel (kant en wandtapytn), voorwerpn van de vroegere gildn, woapens, muziekinstrumentn, eirdewerk, muntn en penningn...en ook de guillotine van ’t Frans bewind, die in Brugge nog tout de 19e eeuwe gebruukt is. In 1803 is de beruchtn struukrover Bakelandt d’r deure ountoofd.
In d’erezoale ist er ‘n zeldzoame buste van keizer Karel V uut 1520 te zien, verzekers ’n werk van Konrad Meit.
Ook kun je ‘t Oratorium of de bidtribune bezoekn, die uutgift up ’t koor van de Onze-Lieve-Vrouwekerke.
In 't Gruuthuusemuseum is 't er ôok e klêen veisterke van woaruut da je e goed zicht eit ip 't Bonifaciusbrugske en doar gezet is voor een uutzicht t'ein ip 't woater vo de bôotn in 't oge t'oudn.
’t Museum is momenteel geslootn tout ’t ende van 2007 omda ze ’t volledig an ‘t erinrichtn zyn.