God Dethroned
Uit Wikipedia
God Dethroned is e Death Metalgroup uut Olland. Nundern gitarist is Isaac Delahaye, uut Yper.
Inoud |
[bewerkn] Geschiedenisse
God Dethroned is upericht in 1990 deur Henri Sattler en êentige van zyn moatn. Ze brochtn in 1992 nunder êeste ploate uut, The Christhunt, mo die ploate wos gin succes. Henri beslôot van uut te schêen me God Dethroned en ne beguste met e nieuwn group Ministry of Terror (Thrash Metal).
In 1994 erbegust 'n me God Dethroned en ze brochtn The Grand Grimoire uut, woadeure dan ze kustn tourn in Europa, Japan en de Verênigde Stoatn me groupn lik Morbid Angel, Cannibal Corpse en Marduk. Ze mustn ouk up grôte festivals speeln (Graspop, Wacken, Dynamo,...).
Oundertusschn gienk nundern drummer wel deure en 't deurde en ende vôorn dan ze en vastn vervanger voun in Ariën Van Weesenbeek. Juuste vôorn The Lair Of The White Worm (ebaseerd up e bouk van Bram Stoker), gienkn 'n gitarist en 'n bassist deure en kwaamn Isaac Delahaye en Henk Zinger in de plekke.
The Toxic Touch van 2006 wos d'êeste ploate die hêlegans deur de group in de nieuwe bezettienge emakt is. E krêeg stieve goeie kritiekn.
[bewerkn] Leedn
- Henri Sattler (zang & gitaar)
- Isaac Delahaye (gitaar)
- Henk Zinger (bas)
- Ariën Van Weesenbeek (drum)
[bewerkn] Discografie
- The Christhunt (1992) (eruutebrocht 1998)
- The Grand Grimoire (1997)
- Bloody Blasphemy (1999)
- The Ancient Ones (2000)
- Ravenous (2000)
- Into the Lungs of Hell (2003)
- The Lair of the White Worm (2005)
- The Toxic Touch (2006)
[bewerkn] In West-Vloandern
God Dethroned et ol êentige keirs espeeld in West-Vloandern, lik in Woaregem (1999, in 'n Steeple, headliner Immortal) en in Yper (2005, JOC en 2008, Feniks).
