Genteleroute
Uit Wikipedia
De Genteleroute is een lusvormige, uutgestippelde veloroute van 33 km lank, die deur ’t landelik Poldergebied lopt van Blanknberge noa Brugge.
[bewerkn] Routebeschryvinge
De route begunt an ’t VVV-kantoor (dienst vo tourisme) teegnover de stoatie van Blanknberge en lopt langs de êeuwenoude Blanknbergsche dyk in ’t typisch Polderlandschap. Dien dyk, die vroeger Gentele noemde, makte dêel uut van een dyksystème, die ’t achterliggnd gebied most beschermn teegn de ipdringerige zêe. De route is hêlegans bewegwyzerd en lopt via de polderdorpn Uutkerke, Zuunkerke, Meetkerke, Outave en Nieuwmunster.
[bewerkn] Beziensweirdigeedn
- De St-Michielskerke in Zuunkerke. ’t Kerksje is eripgebouwd in 1609. Allêne de torre is een overbluufsel van de Romoansche kerke uut de 12e êeuwe.
- De Grôte Poldermeuln over de Blanknbergsche voart in Meetkerke. In ’t gebied de Meetkerksche Moere wierd er vroeger turf gestookn tout da ’t ounder de zêespegel kwam te liggn en ounder woater liep. De Grôte Poldermeuln zorgde vo ’t wegpompn van ’t woater noa de Blanknbergsche voart. De Moere is e gekend gebied vo woater-en weideveugels.
- De kerke van Meetkerke mè ‘t “miraculeus” Mariabeeldje.
- De kerke van Outave mè volkskunst uut de 17e-18e êeuwe.