Eule (Kortryk)

Uit Wikipedia

Dat artikel es oorsprounkelik geschreevn in 't Kortryks.

Eule


Geografie
Provinsje	West-Vloandern
Gemêente	Kortryk
Liggienge	{{{nb}}} NB {{{ol}}} OL
Liggienge	50°50′NB 3°14′OL
Oogteliggienge	m
Ippervlakte	km²
Bevolkienge (Bron: NIS)
Inweuners – Bevolkiengsdichtheid	() /km²
Vintn Vrown	% %
Andre info
Postcode	8501
Zonenummer

Eule (Nederlands: Heule) es een dêelgemêente van Kortryk en es omgeevn deur Bissegem, Gullegem, Lendlee en Kuurne.

[bewerkn] Olgemêen

Eule èt een ippervlakte van 1169 ha en telt 10.204 inweuners (cyfers 2003). 't Dorpke Sente (Sente Katrine/ Sente) ligt ip de grenze me Kuurne en Lendlee. D'Eulebeke dankt eure noame an de gemêente Eule deurda de beke 't langst ip 't groundgebied van de gemêente Eule lopt.

In Eule zyn der drie prochies: Sint-Eutropius (Eule zelve), Sint-Godelieve (van 't gehucht Eule-Woatermeuln) en O.L.Vrouw van Fatima (van 't gehucht Oantjesoek). Zyder drie zyn sedert 15 juli 2001 tope in êen federoatie (en sedert 2004 vormn ze met de Bissegemse Sint-Audomarusprochie de Federatie Eule-Bissegem).

[bewerkn] Beziensweirdigeedn

De Sint-Eutropiuskerke, gebouwd in 1542-1543, met de sedert 1937 beskermde kerketorre
In het park stoan d'er drie ipmerkelikke moerascypressen (Taxodium distichum), vlakby 't monument vo Stijn Streuvels van Jan Vandekerckhove dat ip 3 oktober 1971 plechtig werd ingehuldigd.
In Eule stoat den ênigsten overgebleevn vlaszwiengelmeulne van Europa, de Preetjes meulne.
Langen tyd èt in de Peperstrate het Curiosamuseum bestoan, dat in zyn ôogdaagn hêle bussn met toeristn trok
De Warandekapelle, eirbouwd in 1742, e lokaal bedevaartsôord
Ieder joare in 'twidde weekend va september: de Tinekesfêestn

[bewerkn] Tineke van Eule

't Volksliedje Tineke van Heule dankt ze noame an dit dorp. Den tekst es geskreevn deur René De Clercq. Ip ne goeien dag è'tie zyn gedicht an Emiel Ullebroeck gegeevn en den dienen è't er een mezikske by geskreevn. Olle joare worden der in 't twidde weekend van september nog Tinekesfêesten g'organiseerd. Beist die fêestn weird'er een nieuw Tineke gekoozn. Da moet een freule van Eule zyn, liefst een moagde. Binst de Tinekesfêesten zyn d'er ôok de zôgezeide "Stôotn van Eule". De beste "stôot" krygt ne prys. In 't verleden woaren die stôotn dikkels polletiek getint en de flikken va Kortryk kwoamn regelmoatig orde ip zoakn stelln.

Mêer bronn by dat ounderwerp ier ku je vien ip Tineke van Heule ip Wikisource

[bewerkn] Geboorn of ipgegroeid in Eule

Stijn Streuvels (1871-1969), skryver
Brigitte Becue, zwemster

[bewerkn] Ofbeeldiengn

Kastêel van Goethals, voormalig gemêentuus	Koetsuus van 't kastêel van Goethals, tegenwoordig de bibliotheke van Eule	Gedenkploate van d'ouders van Guido Gezelle an de Sint-Eutropiuskerke. Ze woaren alletwêe van Eule.	Plakkoate an 't geboortuus van Stijn Streuvels
Stanbêeld van Tineke van Eule ip Euleplatse