De Vorstinnen van Brugge
Uit Wikipedia
De Vorstinnen van Brugge was e reekse ip de BRT die uut 13 dêeln bestound. 't Veroal is gebaseerd ip de vertelliengn van Maurits Sabbe: Het kwartet der Jacobijnen, De nood der Bariseeles, Caritate en Een mei van vroomheid. De bewerkienge vo de TV wer gedoan deur Maurits Balfoort. In De Vorstinnen van Brugge stoat de bevolkienge van Brugge van 1894 toe an 1923 centroal, van de klêne en grôte burgerie toe 't werkvolk. Wa dan ze ollemolle gemêenschappelik en is e soortement van preusheid en oogertigheid da zelfst van de geweune werkvrouwn e vorstinne zoe maakn. De reekse wer vo den êeste ke uutgezoendn in oktober 1972. 't Was in dien tyd nog hêlegangs in 't zwart/wit te doen en d'acteurs klaptegen ollemolle ABN met uutzounderienge van Willy Lustenhouwer die nu en ton e wordje Brugs dertussn mochte placeern. Begun 2004 en ze nog e ki olle afleeveriengn eroald ip de VRT.
[bewerkn] Veroal
Edgar Onghenae is e wever uut Gent die doa buutngesmeetn is gewist ip zyn werk omdat ie tevele boel zochte me z'n boazn. In Brugge goat ie in dienste by Theo Van Waefelghem, e klênen industrièl met ambitie. Theo beweegt em in de beetre Brugse burgerie t'ope me z'n vrouwe. Van Waefelghem et ôok nog e broere Adelin genaamd, die nie hêlegans juste was in zyn kop mo toch getrouwd was me Marie-Louise. Andere belangryke figeurn in 't verhoal zyn de kunstzinnige en aristocratische dokteur Spilliaert en z'n snelle dochter Ida, en e lêroare uut 't atheneum Jan Neys.
Edgar Onghenae eurt em e koamer by den erbergier Ward Bariseele. Doa leert ie Stientje, de dochter van den erbergier z'n broere Fons, die z'n vrouwe verloorn was moa nog 2 zeuns ad: Jean-Baptiste en Monne. Diene latste was e bitjen achterlik en d'apothekersklerke Quickelborne ad em ounder z'n oarm gepakt. Edgar goat uutendelik met zyn ideeën vo serieus wa spillement zorgn in Brugge.
[bewerkn] Acteurs
- Jo De Meyere (Edgar Onghenae)
- Johan Van der Bracht (Theo Van Waefelghem)
- Ann Petersen (de vrowwe van Theo)
- Jan Pauwels (Adelin Van Waefelghem)
- Marilou Mermans (Marie-Louise Van Waefelghem)
- Albert Hanssens (Spilliaert)
- Dora Van der Groen (Ida Spilliaert)
- Domien De Gruyter (Jan Neys)
- Rik De Coene (Ward Bariseele)
- Carmen Jonckheere (Stientje Bariseele)
- Gerard Vermeersch (Fons Bariseele)
- Jan Vermeersch (Jean-Baptiste Bariseele)
- Geert Lommée (Monne)
- Luc Philips (Quickelborne)
- Willy Lustenhouwer (dienstbode Lapouter)
