Cowboys & Aliens
Uit Wikipedia
- Dit artikel es geschreevn in 't Brugs, en da zou best ozô bluuvn.
Cowboys & Aliens is e vormalige Brugsche rockgroep me z'n eign typische geluud uut Brugge en wier in 1996 ipgericht deur Henk Vanhee en John Pollentier. Je stoptige achter tien joarn ip den 28e oktobere 2006.
Inoud |
[bewerkn] Geschiedenisse
In't begun spildege diene groep vornamelijk alternatieven rock, ze pakten in 1997 zelfs een êerste ploate, "League of Fools", ip. Mor in vergelykienge met undere loatere cd's ku je in feite under muziek van ton nie vergelykn.
Te woare pas vanaf under twidden ploate, "A Trip To The Stonehenge Colony" da de groep z'n uutendelikn droai voend in da specifieke segment van de rock. Me de "sound" da ze toen aan en ze zelfs in 't buutnland noam en foam in de rocksierkwies verworvn. Z'en oender andere die ploate uutgebrocht in Duutsland, Ôostenryk, Frankryk, Itoalië, Norwêegn, Finland, en azo vôort.
't Geluud van under muziek is in feite e bitje gebazeerd ip Black Sabbath, Led Zeppelin en John Spencer. In 2002 zettegen ze e verder staptje in de goeie richtienk. In 2004 mochtegen ze zelfs ip't heavymetalfestival Graspop in Dessl goan iptreedn.
Nog in 2004 en ze ton under vierde en latste ploate "Language Of Superstars" uutgebrocht. Ip den 28e oktobere 2006 gaven C&A under latste concert in 't Entrepot (Brugge).
[bewerkn] Bezettienge
- Zanger: Henk Vanhee
- Bassgitoare: Kris Vandekerckhove
- Gitoare: John Pollentier
- Drums: Johan Van de Sype
[bewerkn] Ploaten
- 1997 - League of Fools (cd)
- 2000 - A trip To The Stonehenge Colony (cd)
- 2002 - Love, Sex, Volume (cd)
- 2004 - Language Of Superstars (cd)
