Camille Looten
Uit Wikipedia
Camille Looten (Nôordpene, 16 oktober 1855 - Rysel, 27 november 1941) was een Frans-Vlamsche paster en promotor van de Vlamsche cultuur in Frans-Vloandern.
[bewerkn] Leevn en werk
Looten begost zyn studies in Nôordpene in Frans-Vloandern, ging ton noa ’t kleen seminarie van Koameryk (Cambrai) en loater noa de Katholieke Universiteit in Rysel.
In 1880 ist’n paster gewyd in Koameryk.
Je promoveerde in 1889 met een proefschrift over Joost van den Vondel an de Sorbonne in Parys.
Je gaf werk uut van Michiel de Swaen en publiceerde veel volknkundige en istorische artikels over Frans-Vloandern.
Dat de Nederlandsche toale an de Katholieke Universiteit van Rysel koste gevolgd wordn in 1907 was surtout an den inzet van Looten te dankn. Je was oogleroare Ingelsche toale en letterkunde an dien universiteit van 1890-1941.
Vanof 1900 tout 1941 wast ’n voorzitter van ’t Comité Flamand de France. Je makte vele geleerdn en toalkundign in Vloandern en Olland gevoelig vo de positie van ‘t Nederlands in Noord-Frankryk. Vanwege zyn verdienstn ist’n in 1927 ipgenoomn als buutnlands lid in de “Maatschappij der Nederlandse Letterkunde in Leiden” en in 1930 volgde zyn benoeminge als erelid van de “Koninklijke Vlaamse Academie”.
Je was styf gehecht an de Vlamsche toale en j’e vele geleedn ounder de minachtinge vo die toale en de invoeringe van ’t Frans als enige ounderwystoale in Frans-Vloandern. J’et altyd de rechtn van ’t Vlaemsch verdedigd. In 1935 et’n de "légion d’honneur", een importente Fransche ounderscheidinge, gerefuseerd.
