Bikschôte
Uit Wikipedia
| Bikschote | |
|---|---|
 |
|
| {{{kaart2}}} | {{{kaart3}}} |
| Geografie | |
| Provinsje |  West-Vloandern |
| Gemêente | Langemark-Poelkapelle |
| Liggienge | {{{nb}}} NB {{{ol}}} OL |
| Liggienge | 50°55′NB 2°51′OL |
| Oogteliggienge | {{{hoogte}}} m |
| Ippervlakte | 5,57 km² |
| Bevolkienge (Bron: NIS) | |
| Inweuners – Bevolkiengsdichtheid |
581 (31/12/2006) 104/km² |
| Vintn Vrown |
{{{mannen}}}% {{{vrouwen}}}% |
| Andre info | |
| Postcode | 8920 |
| Zonenummer | {{{netn}}} |
Bikschôte is e landelikke dêelgemêente van Langemark-Poelkapelle en grenst an Nôordschote, Merkem, Langemark en Zuudschôte-Boezienge. 't Is e gemêentelikke kleuter- en basisschole en 't zyn oek verschillige verênigingen. Tot 1970 wos 't e gemêente op zyn eign.
Inoud |
[bewerkn] Etymologie
't Woapenschild van Bikschôte (of Bixschoote gelyk dat et overtyd werd geschreevn) tôogt een omeinige of een beschuttinge (vroeger: scho(o)te) nevenst e beke (bik). 't Suffix -scho(o)te vindn we were in Zuudschôte, Nôordschôte en Oundschôte en is e verwyzinge noar d'outn beschuttingn da je tussn de verschillige landeryen kost werevindn.
[bewerkn] Beist 'n Êeste Weireldoorloge
Bikschôte wos êen van de mêest bevochtn dorpsjes beist den Eestn slag vo Yper (Êeste Weireldoorloge). De grotstn slag was ip 21 oktober 1914 toen dat de Duutsche ('t 26ste en 27ste Duutsche Reservekorps) te zessen 's nuchtens noa Langemark trokkn vo were e stik van 't Ieperleekanoal te bezettn. Zudder bestoundn voornamelik uut oungetrainde studentn en ander jounge gasten en zyn en masse afgeslacht gewist deur de Brittn. Op 't Duuts militair kerkhof in Langemark liggen der 3000 Duutsche slachtoffers.
Op de grenze by Zuudschôte ligt 't gehucht Stêenstroate woadat de Duutsche op 22 april 1915 vo den êeste ki gifgoaze ein gebezigd.
[bewerkn] Bezienswoardigeedn
In Bikschôte is 't er e wandelroute Het Vredespad (6 of 10,5 km) die in 't têekn van den Êeste Weireldoorloge stoat[1].
[bewerkn] Sent-Andreaskerke
Beist 'n Êeste Weireldoorloge es d'ôorsprounkelikke kerke hêel vermassakreerd gewist. In de joaren achter den oorloge en ze z'erbouwd: de Sient-Andreaskerke is gebouwd in de joarn 1922-1924 naar een ountwerp van architect Marcel Hocepied. In 't brandglasroam an de rechterkant kun je 't woapenschild van Bikschôte werevindn. De neogotische kerke is e driebeukige allnkerke en is gebouwd in gelige briekn. Rond de kerk ligt een typisch kerkof met de Kapel Onze Lieve Vrouw van Rust en Vrede.
[bewerkn] Beeuwsaertmeuln
De Beeuwsaertmeuln is een outn windmeuln in de Meulnstroate. De meuln is gebombardeerd in 'n Êeste Weireldoorloge en is sedert ton nie mi gebruukt. Nu zyn z'em an 't restaureern: achter d'ontmantelienge goan z'em hêel erbouwn.
[bewerkn] Europees Kampioenschap Pompoenslingern
Sinds 2004 organiseert de Landelijke Gilde van Bikschôte alle joare in september 't Europees Kampioenschap Pompoenslingern. By dien sport (populair in 't zuuden van deVS, woadat ze 't pumpkin chunkin noemn) is 't de bedoeling van n pompoen zo verre meuglik weg te smytn met e katapult of e trebuchet. De ervoaring lêert dat diepgevrozen pompoenn 't verst weg te slingern zyn omda ze nie direk hêel in frut volln.
[bewerkn] Winnoars
- 2007: 't Team Bisschop uut Bikschôte zelve met underne katapult Spiraaltje me 460 meiters (een nieuw Europees record).
- 2006: De KLJ-Langemark me nundern katapult KaLutJe me 277,10 meiters.
- 2005: 't Team Ypes uut Yper met nundern katapult Excalibur me 302,23 meiters (Europees record).
- 2004: 't Team Bisschop uut Bikschôte zelve met nundern katapult F16.
