’t Manneke uut de Mane
Uit Wikipedia
Et Manneke uut de Mane is een omernak mi leutige vertelliengsjes en weersvôorspelliengn in 't West-Vlams.
't Manneke stoat symbool voe de West-Vlamschen umor.
Inoud |
[bewerkn] Geschiedenisse
- 'n Omernak van 't Manneke uut de Mane is ountstoan in Wytschoate in 't joar 1880. De stichters woarn Alfons van Hee, Amaat Vyncke, Alfons Depla, Hendrik Persyn, Karel Blancke en August Blancke. Alfons van Hee wos 'n êestn oofdredacteur. Bissn 'n Êestn Weireldôorlog wos 't er gin omernak, en doarachter viel et stille omdat er gin medewerkers enoeg woarn.
- In 1923 zette Achiel Denys, tope mi Edward Vermeulen (een oudlêerlieng van Hugo Verriest) ze schoers ounder 'n omernak, en 't Manneke uut de Mane bestoeg were toet 1930.
- In 1964 begostn Willem Denys en Karel de Lille 'n omernak were uut te geevn achter vierendertig joar stilte.
[bewerkn] De Ridderorde
In 1964 ountstoeg oek de Orde van het Manneke uut de Mane. Die verênigienge nimt idder joar verdienstelikke West-Vloamiengn in neur orde op. Die Orde zetelt nu in Diksmude, woa dat er oek e standbeeld van 't Manneke stoat, op de grôte mart.
Ênigte styf bekende Ridders en Jonkvrouwn in de Orde zyn: Gwij Mandelinck, Lutgart Simoens, Michel D'Hooghe, Rik De Nolf, Chris Lomme, Yves Leterme, Geert Bourgeois, Guido Depraetere, Paul Breyne, Henri d'Udekem d'Acoz, Karel Declercq, Roger Vangheluwe,...
[bewerkn] Van woa komt die noame?
De noame viengt zyn ôorsproung in de legende van Jantje die op de moane kwaam omdat'n oet sprokkelde op Kerstdag.
