Santa Catarina
Da Wikipedia, ła ençiclopedia libara.
Santa Catarina | |
---|---|
Stato: | Imagine:Flag of Braxil.svg Braxil |
Cavołogo: | Florianópolis |
Superficie: | 95.442,9 km² |
Popołazsion: - Totale - Densità |
(2005) 5.866.568 ab. 61,53 ab./km² |
Nome abitanti: | catarinense o barriga-verde |
Analfabetismo: | 5% |
Sito istituzsionałe |
Santa Catarina el xe on stato del Brasil meridionałe ła cavedal del qual, Florianópolis, ła se cata so l'ixoła de Santa Catarina. El confina a sud col Rio Grande do Sul, a nord col Paraná e a ovest co l’Argentina.
[modifica] Storia
El primo insediamento 'ntel teritorio se ga vùo 'ntel 1542 a òpara dei spagnołi. A łori i xe entrai 'ntel 1675 i portoghexi, chei 'ntel 1738 ga fato un capitanà. L'atuałe tera de Santa Catarina ła xé stà popolàa da migrai eoropei, soratuto tedeschi, e itałiani del Trentin (al'èpoga parte del'Inpero Austro-Ongàrego) chei ghe xé rivai en grando nùmaro 'ntel corso del XIX sècoło. A łori se ga zontai poi altri itałiani, połacchi e rusi, faxendo cusì crear molte fatorie picenine a conduzsion famejar 'nte łe zone enterne del paexe. Zsità come Nova Trento, Nova Tyrol e molte altre zsitadine da łe caraterìstieghe architettòneghe trentine e tirołexi łe dimostra la granda prexenzsa de popołazsiuni migrae dal'ełora Inpero Austro-Ongàrego.
Verso ła fin del marzso 2004 ło stato el xé stà ciapà dal primo uragan vùo 'nte łe aque del'Atlàntego meridionałe. Non sendoghe un nome par un sìmile fenómeno, i meteoròlogi braxiłiani i ga fato l'espresion "zsiclon Catarina".
[modifica] Giografia
Su ła costa atlàntega se cata tante spiage, ìxołe, bare e insenadure. 'Ntel zsentro del stato se stende bos-ci de pin braxiłian, 'ntel sud-òest ghe xé piasè praterie, invezse a est ea òest ghe se cata foreste.
Santa Catarina xé considerà ło stato pì fredo del Braxiłe. El xé l’ùnego 'ntel quałe se pode ver de łe nevegade, grazsie a ła prexenzsa di vari riłiei. 'Ntei ani novanta, dorante un inverno bastanzsa rìxido, 'nte łe canpagne xé cascai zsirca 2 metri de neve, pari a ła quantedà de neve che casca gni ano sul Cànada.
Stati: Acre · Alagoas · Amapá · Amazonas · Bahia · Ceará · Distrito Federal · Espírito Santo · Goiás · Maranhão · Mato Grosso · Mato Grosso do Sul · Minas Gerais · Pará · Paraíba · Paraná · Pernambuco · Piauí · Rio de Janeiro · Rio Grande do Norte · Rio Grande do Sul · Rondônia · Roraima · Santa Catarina · San Pagoło · Sergipe · Tocantins
Regioni: Nord · Nord-Est · Centro-Ovest · Sud-Est · Sud