Provincia de Monzsa e Brianzsa
Da Wikipedia, ła ençiclopedia libara.
Provincia de Monzsa e deła Brianzsa | |
---|---|
Stato: | Itałia |
Regione: | Łonbardia |
Capoluogo: | Monza |
Superficie: | 363,80 km² |
Abitanti: | 766.941 2005 |
Densità: | 2.108 ab./km² |
Comuni: | Elenco di 50 comuni |
Targa: | MB |
CAP: | 5 |
Prefiso teł: | 039, 0362 |
Codice ISTAT: | |
Presidente: | Luigi Piscopo (commissario) 9-12-04 |
Sito istituzsionałe |
Ła Provincia de Monzsa e deła Brianzsa (denominazsion ofixial, 'nte ł'uxo comun anca Provincia de Monzsa e Brianzsa) ła xe 'na provincia deła Łonbardia, istituia ł'11 de giugno 2004[1] e che ła sarà pienamente operativa 'ntel 2009, data prevista par łe prime ełezsion dei rełativi organi de rapresentanzsa.
Capołogo deła nova provincia el xe Monzsa (zsirca 121.000 abitanti) e ła popołazsion conplesiva dei 55 comuni che i ła conpone ła xe de zsirca 770.000 abitanti.
[modifica] Cołocazsion giografega
Ła provincia de Monzsa e deła Brianzsa ła conprende soło parte deła rejon giografega che storicamente ła se definise Brianzsa: ła conprende infati ł'area Monzsexe (Monzsa con Viłasanta e Brugherio) e ła Brianzsa 'miłanexe' (co łe zsone de Carate, Dexio, Łisone, Seregno e Sevexo, Vimercate), mentre el resto deła Brianzsa ła xe conpresa 'nte ła parte meridionałe dełe province de Como e de Leco.
[modifica] I comuni
Ła lege istitutiva ła indica che el capołogo deła provincia el xe Monzsa e che a ghe ne fa parte i 50 comuni de Agrate Brianza, Aicurzio, Albiate, Arcore, Barlassina, Bellusco, Bernareggio, Besana in Brianza, Biassono, Bovisio-Masciago, Briosco, Brugherio, Burago di Molgora, Camparada, Carate Brianza, Carnate, Cavenago di Brianza, Ceriano Laghetto, Cesano Maderno, Cogliate, Concorezzo, Correzzana, Desio, Giussano, Lazzate, Lesmo, Limbiate, Lissone, Macherio, Meda, Mezzago, Misinto, Monza, Muggiò, Nova Milanese, Ornago, Renate, Ronco Briantino, Seregno, Seveso, Sovico, Sulbiate, Triuggio, Usmate Velate, Varedo, Vedano al Lambro, Veduggio con Colzano, Verano Brianza, Villasanta, Vimercate.
El 29 de giugno 2006, ai 50 comuni zà aderenti a se ghe ga zontà queło de Cornate d'Adda.
[modifica] Note
- ↑ Legge n. 146/2004 deła Republica Itałiana, aprovà in via definitiva dal Senato el 12 de majo 2004 e firmà ł'11 de giugno 2004 da ł'ałora Presidente deła Republica Carlo Azeglio Ciampi e quindi publicata soła Gazseta Ofixial deła Republica itałiana n. 138 del 15 de giugno 2004 col titoło "Istituzsion deła provincia de Monzsa e deła Brianzsa". On disegno de lege par ł'istituzsion deła provincia de Monzsa el gera sta presentà ała fine dei anni Novanta.