Kalenjin
Da Wikipedia, ła ençiclopedia libara.
Co el termine kalenjin se se riferise a on grupo etnico che vive en te la Rift Valley del Kenya, e a che el se sudivide en altri sotogrupi. Par dirla tuta, i kalenjin i xe na mezsa invenzsion de i antropologi inglexi, e no on grupo omogeneo. Sti grupi etnici picenini i xe stà mesi insieme parché i parla lengoe simili, i vie on rente a quel’altro e parché i ga na storia simile. I grupi che i forma i kalenjin i xe:
- elgeyo,
- endorois,
- kipsigis,
- marakwet,
- nandi, sabaot,
- terik e
- tugen.
En tel pasà, i pokot i xera mesi tra i kelenjin, però i pokot noi vol, i se sente diversi. Ancò, i kalenjin i continua a esar considerà insieme par motivi politeghi
Indice |
[modifica] I grupi
[modifica] Elgeyo
I elgeyo i vive en tel distreto de Keiyo, rente de Eldoret. I pratica la pastorizsia ma anca l’agricoltura. I elgeyo i gavea el contro de n’area grande, ma i ga perso quasi tuti i pascoli soto la presion de i maasai e de altri grupi de pastori de la Rift Valley.
[modifica] Endorois
I endorois i xe on grupo picenin de 60.000 persone e i vive longo el Lago Bogoria.I xe pastori. I endorois i xe stà discriminà da i vari governi kenyani. I xe pochi e i no pol mears contro i potenti e i prepotenti. I ga perso quasi tuta la tera ancestrale, specialmente co i ga trova i rubini e altri minerali preziozsi.
[modifica] Kipsigis
I kipsigis i xera pastoralisti. Ancò, quasi tuti i pratica l’agricoltura. I kipsigis i xe rivà en te l’area de Kericho verso el XVIII secolo. Ancò i se cata nel distreto de Kericho ma anca a Kitale, Nakuru, Trans Mara, Eldoret e tra i Nandi.
[modifica] Marakwet
I marakwet i vive longo la vale del Keryo, ma se cata anca so le Coline Cherengani. I xe divizsi en sotogrupi (almoo, cherengany, endoow, markweta, sombirir, e kiptaani). Anca i marakwet i stà abandonando la pastorizsia par diventar bacani. Inportante el xe el sistema de irigazsion en te la vla ede Tot. I canali de acqua i xe scavà en te la piera, o en tel teren e rivestii de piere. El sistema el xe vecio de 4 secoli.
[modifica] Nandi
I nandi i vive so le coline Nandi. I xe pastori sedentari ma i se stà movendo verso le coltivazsioni.
[modifica] Sabaot
I sabaot i vive a i piè del monte Elgon e i xe divizsi tra Kenya e Uganda. I sabaot i ga perso pi de la metà de i so teritori e i ga lasà la pastorizsia par dedicarse a l’agricoltura. El teren, fertile e ben irigà, el ga parmeso de i boni risultati anca finanzsiari. El canbio el ga volesto dir anca on canbio sociale, chel nol xe indolore. I zoeni, che i ga studià, i parla inglexe e swahili, i stà ciapando el potere da le mane de i anziani. En sto proceso, ghe na grosa perdita de valori.
[modifica] Terik
I terik i vive tra i distreti de i Nandi e de Kakamega (do la majoria i xe luya). I terik i xe 120.000. Le vecie tradizsoni le dixe che i terik i vien dal Monte Elgon, e i se sa spostà do i vive ancò do secoli fa. Ancò i se move verso i nandi e i parla senpre pi nandi. Manco de 50.000 terik i parla la so lengoa.
[modifica] Tugen
I tugen i xe ono de i grupi etnici pi picenini del Kenya, manco de 60.000 persone. Ma i xe anca tra i pi famoxi parché Daniel Toroitich arap Moi, secondo presidente del Kenya, el xe on tugen. I tugen i vive en te i distreti de Baringo e de Koibatek, i parla el tugen e i xe pastori e agricoltori.
[modifica] Società
I kalenjin i xe en on momento de transizsion. El pasajo da pastori a agricoltori el porta al canbiamento de le regole sociali e a l’omogeinizazsione de la società. El canbiamento el xe influenzsà anca da altri fatori: la lengoa inglexe e el swahili, la partecipazsion a la vita naxionale, la presenzsa de altri grupi etnici en te la region abità da lori. La religion el xe n’altro fator de unificazsion. I kalenjin i xe diventà quasi tuti cristiani, e stò fato el stà creando on novo senso de identità.
- Portałe Africa: varda łe altre voxe de Wikipedia che łe parla de Africa