Cafè Pedrocchi
Da Wikipedia, ła ençiclopedia libara.
El Cafè Pedrocchi el xé uno dei pì grandi e famoxi cafè del mondo. El xé situà nel pieno çentro de Padoa, en via VIII Febbraio n° 15.
Proxetà dal'architéto Jappelli, el se compòn de dò piani: el piantereno, inaugurà nel 1831, el ospita łe sałe par i aventori, el bancòn, i laboratori e la coçina. El piano nobiłe el ospita enveçe alcune bełe sałe (sała Rosini, sała egizsia) che xé atualmente utiłizsà par mostre e espoxizsioni tenporanee.
L'inportanzsa stòrega del logałe xé anca data dal fato che l'8 de febraro 1848, el ferimento al so enterno de un studente universitario el gà dato el via ad alcuni moti caraterizsanti el Risorgimento tałiàn e che i xé ancora deso ricordài nel'ino ofiçiàl universitario, Di canti di gioia.
Prèso el piàn nobiłe de ła costruzsiòn xe situà el Muxèo del Risorgimento e dell'età contenporanea, dove i xé conservai tra i altri i ritràti del fondadòr Antonio Pedrocchi e del so sucesòr Domenico Cappellato Pedrocchi, tuti do opera de Achille Astolfi.
El Cafè xé noto anca col nome de "Cafè Senzsa Porte" parché ai tenpi d'oro, fin al'avento de ła Prima Guera Mondial el jèra verto jorno e note.